سلامي للجميع
الاخت العزيزة بالنسبة للدراسة فمثل ما نحكى مش كثير مهم ايش المستوى التعليمي اللي وصلو لانو في كثير من حالتو ما كملو تعليمهم او ما نجحوا فيه بس نجحو بمجالات ثانية، بس طبعا بيكون في سبب مقنع لهالحالة مثلا المستوى المادي او مشاكل عائلية (وهاد اشي مش وارد في حالته)، وهيك يمكن يكون المشكلة بشخصه من ناحية كسل او قصور تفكيري بجد وبهالحالة ما بتفيد الطيبة ولا الحنية لانها بتكون سطحية وعفوية وبدون قناعة وتفكير، لهيك بيجي دور اختك كونها متعلمة انها تكتشف هالانسان وتعرف ان كان مناسب او لا
وبالنسبة للسمول والميديوم.. ما عليه يمكن يكون كبير بطبعه وما بيفكر اللا باللارج
بالنسبة لغناه ووضعو المادي المريح فهاد اشي لازم نخاف منه شوي لانو الارزاق بيد الله، اليوم معو فلوس بس تفكيره بسيط .. يمكن بكرة تروح فلوسو وشو بيبقى ؟!؟.. الرجل لازم يكونلو هويته ويصنع مستقبلو بايدو
بالنسبة لراي الوالد فكل الاحترام الو لو شو ما كان لانو لو ما بيفيد ما بيضر .. بس بردو لازم يكونلو دوره بهيك حالة .. يعني لو حكينا انو العريس بيخجل من النسوان وعمرو ما حكا مع بنت ، بهالحالة بيقدر الوالد يختبره بمواضيع الرجال
هالفترة نكتبت علينا ليعرفو الخاطبين بعض عن قرب والمفروض يتفاهمو على كل صغيرة وكبيرة وللا شو فايدتها اذا
وطبعا الاستخارة من رب العالمين هي الحكم الاول والاخير وربنا يقدملهم اللي فيه الخير