هلا يااختي
ترى ماسجلت الا عشان ارد عليك
ابد كاني اسمع قصتي
انا جلست شهر مالمسني يعني اقصد (الجماع)
وبصراحة كنت استغرب منه
اما الاشياء الثانية زي التبويس والضم واللمس ..الخ كنت انا اسويها عادي مايبعد ولا يصد
بس مايبادلني نفس الشعور احس اني كاني اغصبه ابد تقولين مع جدار
وقلت السالفة لامي ونصحتني اني اثقل وابعد عنه كم يوم بس قالت انتبهي تكشرين في وجهه
خليك طبيعيه اذا سولف سولفي واضحكي ولا كانه صاير شي
وبعد كم يوم وهو طالع دوامة
هو تعود انه قبل يطلع اسلم عليه واحب خده واودعه هالمرة صافحته قال وين بوستك؟ << عاد هنا اسكتي بس تشققت
وبنفس اليوم تناقشنا وسالته عن سبب صده عني بهالشهر قال انه كان قبل زواجي بيومين يتمازح مع خوية المهم هالمزح انقلب جد وهواش المهم صديقة هالمتهور جاب زرادية وعض به قضيبه يقول سبب اني ماكنت اعطيك وجهه كنت افكر ذيك الايام شلون اردها له يقول سبب لي صدمة نفسية يحلف لي انه على هالعضة انه يتعالج عند دكتور بهالشهر وانه مانعه يجامع لان وراني اللي صار اللحمة كانت مقصوصة
الله يسامح ذا الصديق ربشني بزوجي وبالاخير الحمدلله ماصار شي انا اللحين لي سنتين ولي منه بنوته عسى الله يصلحها ويهديها
المهم اللي بوصلة لك لاتستعجلين بحكمك عليه و الله الله بالابتسامه ترا الابتسامه اهم شي اثقلي ترا حكم الامهات درر وتناقشي معاه انا من اول جلست مصارحة وانا خذيت الزبدة بس اهم شي وقت المصارحة تكونين ماسكه يده وحطي عينك بعينه واذا بعدها لفيه لازم ترا لغة العيون مهمه
اتمنى من الله العلي القدير ان يصلح حالك ويفرج همك يارحمن يارحيم
التعديل الأخير تم بواسطة هتاف1 ; 05-09-2010 الساعة 10:23 AM