اقتباس:
المشاركة الأصلية كتبت بواسطة الموحد لله
أختي الفاضلة
البنات ماليات البيوت , من سن 20 إلى 31 , يتمنين أن يتقدم رجل لكن لم يحالفهن الحظ
لو قطعتِ فرصتها بالزواج منه ما جاءت فرصة ثانية وهذا واقع مشاهد , وأنا قريت دراسات حول الموضوع , وأشوف قدامي شيء مشاهد في الواقع الذي أعيشه , وكذلك في المنتديات وفي الشريط على القنوات مثل بداية وغيرها ...
حطي نفسك مكانها ؟
والله الحين أعمارهن بالعشرينات ودهن يتزوجن بأي طريقة
حسي بأخواتك 
لو كان عندك أكثر من بنت وصلت أعمارهن28 و27 و29 , أظن نظرتك ستتغير ...
لا تقولي يتزوجن عزاب
العزاب كثير منهم عاطل , ولا يفقه في أمور الزواج شيء , وكثير منهم طائش لا تستطيع أن تسلمه ابنتك ثم يطلقها في أقل من شهر
عموماً هذي وجهة نظر تختلف من شخص لشخص ...
.
|
لو انا قطعت فرصتها بالزواج من متزوج .. ما جاها احد عقبه !!
ممكن يجيها عقبه احد .. وممكن مايجيها .. كل الاحتمالين واردات .. وكلهم بعلم الغيب
من باب احسان الظن بالله اتوقع يجيها غيره لان الارزاق بيد الله وليست بيد البشر
انا ارفض المتزوج لاختي او زميلتي او لكل بنت عمرها اصغر من 32
مو فقط لاني اتوقع يجيها احسن منه باذن الله .. ولكن ايضا لاني ابي لها الاحسن
ولانه من باب العدل والانصاف انها تاخذ اعزب مثلها ..
حرام ابخس حقها بالاعزب وارضى لها تاخذ متزوج وتدخل على ضرة !!
مو عدل ..
راح ارضى لها متزوج بشروط معينة فقط .. اذا وصلت عمر هي تحس فيه ان محد
بيتقدم لها من العزاب .. واذا كان المتزوج كفء وراح يعطيها كل حقوقها .. مهر وسكن
ونفقة ... ولكن طالما فرص زواجها من عازب قائمة فراح انصحها ما ترضى بالمتزوج
مع احترامي لكل متزوج ..
بالنسبة للعزاب .. صحيح كلامك فيه العاطل فيه الي اخلاقه بطالة
ولكن مو نسبة مهولة للحد الي يخلي البنات ينسون العزاب ( والارامل والمطلقين )
ويفكرون فقط بالمتزوجين !!
المتزوج يتفوق على العازب باشياء .. والعازب ايضا يتفوق على المتزوج باشياء اخرى ..
يا هلا بك
__________________
شتان .. بين من تسيره مبادئه ، ومن تسيره مصالحه