السلام عليكم حبيبتي

دا شي عادي حسب رايي يحصل مع كتير بنات..

انو كان ليكي حلم ,ومهما كان الرجال طيب مستحيييييييل يجي زوج بالتفصيل

انت لسا ف بدايه المشوار وانت لك عادات معينة مختلفة عنه زي ما تكلمت وقلتيلنا عن طبيعتك
وهو ايضا له وضع مختلف ,

الحاصل انو في تنافر لانو انتي تبغيه بشكل معين واكيد هوا له طموحاته لكن الرجال واقعيين اكثر عادة فيتأقلمو اسرع احيانا,
طيب ايش العمل... راح تلاقي مع الايام انكم راح تاخدو حل وسط ويلتقي الطريقين وعشان دا يحصل لازم راح تاخدي من اطباعه وراح ياخد من اطباعك, بس مسألة وقت


بس من الامانة اني اقول لك انو مشكلتك برأيي مو من عيب ف اطباعك ولا عيب في اطباعه وانما في تقبلك وتكيفك (في تفكيرك) والشيطان حريص على خراب البيت المسلم فبيستغل نقطة الضعف دي ويفضل يكبرها ف عينك وما يبقي عيب في زوجك الا واظهره,
ان شا الله تمر المرحلة دي بس انت قرأي عن الزواج اكثر حاولي قد ما تقدري تشوفي الميزات واذا في شي مضايقك كلميه بلطف او باسلوب غير مباشر . وكمان عشان خاطره لانو هوا صابر وساكت وتخيلي لو كان خوك العريس جا يقوللك انو عروسته اللي كان متحمس وفرحان وطاااير بيها تصدمو ببرود كدا كيف راح تكون حرقة دمك , هوا كمان ماتدري خاصة انك قلت ماعنده اسلوب عاطفي ممكن يكون بيتقطع,

لاتنسي زي ما انت شايفة عيوبه ترا هوا شايف عيوبك والشطان ما مات لايبدأ يفكر زييك والرجال لا راح صعب جدا يرجع مو زي الحرمة.

والسرير يحتاج صراحة ووقت , وانت عموما ادعي الله كثير يالف بين قلوبكم ويصلح حالكم
وسامحيني اذا غلطت بس كلماتي من قلبي وان كانت مشي حالك ومو مرتبة ترا والله الطلاق ندامه والتفكير التفكير هوا مشكلتك استبدليه بالبحث ن الحل