ليش مستحيل ؟؟

مرة مافي امل ؟؟

خسارة

طيب ربي يقول ولمن صبر وغفر ان ذلك لمن عزم الامور

تدري ؟ اذكر مقولة لعمر بن الخطاب رضي الله عنه لما قال ( ليست كل البيوت تبنى على الحب )

مو مهم الحب ، واذا انحرمنا منه في الدنيا معليش مو مشكلة راح نلقاه في الآخرة وبصورة احلى مليون مرة من الدنيا

المهم التفاهم ، المودة ، الرحمة ، المعاملة الطيبة ، العشرة بالمعروف

اصلا مافي آية في القرآن ذكرت الحب بين الزوجين

كل الآيات تذكر المودة والرحمة

وربي خالقنا واعلم فينا مننا لذا ربي عارفة انه الحب مو هو كل شي

وبعدين يا بنات ترى كذه احسن صدقوني

اذا حبينا ازواجنا زيادة عن اللزوم وصرنا نعشقهم بجنون ترى محد بيتعب غيرنا

خلينا كذه احسن

الحب ممكن انه يؤدي الى التعلق ، وبالتالي يصير الزوج هو كل حياتنا ، والنهاية المؤسفة انه راح يخلينا ننسى الهدف اللي انخلقنا عشانه وهو عبادة الله

راح يصير كل همنا ازواجنا ، وننسى عبادتنا

خلينا كذه احسن ومن الناحية النفسية كمان احسن حتى اذا لاقدر الله مات الزوج ولا خان ولا تزوج ماتكون الصدمة قوية علينا ونقدر نرجع ثاني نوقف على رجولنا

اهم حاجة اننا نخاف الله في ازواجنا ونراعي حقوقهم ، وما نجعل مشاعرنا تسيطر علينا وتؤدي الى برود في التعامل يشعر به الزوج

معليش لازم نضغط على انفسنا شوية ، لا مو شوية شويتين كمان عشان نعاملهم كويس ونرضي الله عز وجل من خلالهم

معليش هي الدنيا كذه ، وما عند الله خير وابقى

*******

دلوو24ووعة والله دمك خفيف ضحكتيني بتعليقاتك ربي يسعدك