اهلا فيك حبيبتي
شوفي ياقلبي .. اكيد تعرفي انه الكلام مع الشباب غلط و حرام و عيب صح ؟
و موضوع انه الوالد و الوالدة قللومن اهتمامهم فيك مو عذر ... لانك تعرفي الصح من الخطأ
كبيرة وواعية ...
بس حابة اقولك نصيحة و اسالي اي حد و بيأكدلك كلامي
مافي شي اسمه حب عالتلفون او النت ....
مافي شاب عاقل ابدا يتزوج بنت كان على علاقة معها
لانه براسه انها مو موضع ثقة ..مدام انها كلمته .. معناه انها كلمت الالاف قبله
حتى لوكانت بريئة وفعلا تحبه .. لكن براسه انها ما تصلح زوجة و ام لاولاده
فا تلاقيه يكلمها و يقول لها كل كلام الحب اللي تبيه .. لكن وقت الجد
يتزوج البنت اللي مالها علاقات و اللي ما تعرف حد قبله ....
حبيبتي ..امك و ابوك ادرى الناس بمصلحتك وماحد بالعالم يحبك
قدهم .. حتى زوجك اللي بتتزوجيه بالمستقبل 
ماراح يحبك قدهم
فلازم تسمعي كلامهم ..دام امك رافضة موضوع التلفون ..معناه فعلا شايفة انك
لسه مو قد الثقة .. اثبتي لها انك كبرتي و نضجتي .. غيري من تفكيرك و لا تخلي بس همك
في ايش يلبسو صحباتك و اي معاهم و التلفونات و الكلام هذا
حافظي على صلاتك .. و صاحبي بنات خلوقات
اقراي كثثثير .. عشان تتعلمي كثير و تعرفي اكثر
و تفهمي الدنيا اكثر حبيبتي ...
ولا تعارضي امك ولا ترفعي صوتك عليها ابدا
تقربي من امك و ابوك ... اقعدي معاهم و اضحكي معاهم
و انتي بتشوفي مع الايام كيف بتكبر ثقتهم فيك
اختي اكبر منك بسنة فقط... و على قولتك..معاها البلاك بيري و تطلع و تروح وةتجي
بس بعد ايش ... بعد ما اثبتت لاهلي انها قد المسؤلية
عمرها 17 سنة و اول سنة جامعة و دورت شغل ماهي محتاجة بس على قولتها
عشان تستفيد من وقتها و عن يكون عندها خبرة عشان بعد الجامعة تلاقي وظيفة بسرعة
ماشاء الله عليها تروح من شغلها مهدووودة تمسك ابحاثها و كتبها و تساعد امي بشغل البيت
وقتها مشغول ماعاد عندها وقت لكلام البنات اللي بعمرها
وماشاء الله اول سنة جامعة و جابت امتيااز بتقدير عالي
ليش اقولك الكلام هذا ...عشان ماتفكري انه كل البنات بعمرك
بس حياتهم اللبس و الموضة و التلفونات و المكالمات ...
لا تضيعي وقتك باشياء بتندمي عليها بعدين
اشغلي وقت فراغك باي شي ... شغل ..عمل تطوعي ..
حفظ قران .. شوفي لك هواية وطوري من نفسك
ولا تقعدي تقار ني نفسك بغيرك من البنات اللي بسنك
لانك احسن منهم ..عندك اهل يخافوا عليك و يحبوك و ينتبهوا عليك
مو زي بعض بنات .. اهاليهم مايدرو عنهم ...
الله يوفقك يارب ويبعد عنك كل شر
__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله