ازيكم يا قمرات

وحشنى جدا جدا جدا جدا

بجد مفتقداكم من كل قلبى


معلش لازم اهنى و ابارك لغموضة الف ملوين مبروك و يا رب يتملك على خير و تفرحى بيه منور بيتك و حياتك و دنيتك كلها
اما عن الالتهاب فانا فى كريم كان عندى طول الحمل و اخدت فى الاول ولا الاخر بجد مش فاكرة دوا برضو عشان الالتهاب دا و الدكتور نصحنى انى اشرب ماية كتير عشان ينزل
ربنا يشفيكى و يعافيكى

شوشو حبيبتى انا دخلت المنتدى امبارح فوجئت انكم فتحتو الجزء الجديد و فيه عدد من الصفحات لا بأس بيها
فطبعا قعدت اقرا اللى فات من الجزء القديم و صفحات الجزء الجديد فطبعا لسة مخلصة دلوقتى

انا مش عارفة ارد على الكل بس ححاول ارد على اللى ذاكرتى لسة محوشاه من كتر اللى قريته

دوبى حبيبتى قددر الله و ما شاء فعل و فعلا قطتك ليها عمر و بعدين انتى لما اخدتى بالك ودتيها للدكتور على طول و لفيتى بيها يعنى مقصرتيش
و ان شاء الله يكون رعايتك ليها طول الفترة اللى فاتت فى ميزان حسناتك يا رب
اما عن التلقيح يا سيتى مش لازم من اول مرة ينجح ممكن تعيديه لحد 4 مرات و ممكن ربنا يكرمك من غيره اصلا
بس انا سعيدة بيكى جدا انك ابتديتى فى الطريق الصحيح
ربنا يكرمك و يفرح قلبك يا رب

ملوكة حبيبتى الف حمد لله على سلامة اختك و ان شاء الله يكون فى ميزان حسناتها بأذن الله

ايه دا انا كان فى دماغى حاجات كتير قوى بس معلش سامحونى


اما عن اخر اخبارى فطبعا انا رجعت للكويت بس لفترة قصيرة حوالى شهر و نص عشان ان شاء الله ارجع تانى مصر عشان افقس
ربنا ييسرها و يقوينى الشهر و نص دا على كريم "القرد الصغير"
بالنسبة لرمضان صمت منه لحد دلوقتى 9 ايام بس مع الاسف الشديد الدكتور قالى انى ممكن اصوم بس اذا تعبت افطر
فكنت بصوم و الحمد لله متعبتش من الصيام بس كنت بحس انى هبطانة بعد ما افطر
لحد ما بعد اسبوع حسيت بدوخة بتاعة الضغط الواطى و اخدت الدوا و بقيت كويسة تانى يوم بغير لكريم ظهرى قفش بقيت مش عارفة اتفرد ولا اتنى و بقيت مش عارفة حتى اقوم من السرير ولا ادخل الحمام و كلمت الدكتور عشان اخد حقنة لان كان ميعاد رجوعى للكويت بعد يومين
المهم ادانى لبوس اخدته من هنا و مافيش ربع ساعة روحى راحت خالص ففطرت و بعدين كان المفروض اخد واحدة تانية بالليل ماما قالتى اخدها لان ممكن يكون اللى حصلى عشان صايمة المهم اخدتها بعد 10 دقايق نفس السيناريو
و جه وقت السحور و كنت نايمة ماما مصحتنيش اتسحر فلما صحيت تانى يوم صحيت متاخر شوية قلت خلاص اصوم فات كتير من وقت الصيام المهم صمت و بعد الفطار بنص ساعة اغم عليا بسبب الظغط انخفض جدا و الحمد لله انى كنت قاعدة و موقعتش على الارض و من يومها لحد دلوقتى و انا مش بصوم
ربنا ييسرها بقى بس ناوية انى اجرب فى الايام الاخيرة من رمضان لانى كنت برجع الهبوط دا للحر الشديد اللى كان فى مصر الوقت دا لدرجة ان التكيفات مكانتش مأثرة فيه و كمان مع طول الوقت
هنا الوقت اقصر و بيقصر كمان و كمان التكييف مركزى فان شاء الله ربنا يقدرنى حجرب يوم و اذا مقدرتش حفطر برضو


المهم انتو وحشنى جدا جدا جدا و ربنا يكرمكم فى الشهر المبارك دا و يفرح قلوبكم يا رب





رب لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة