اقتباس:
المشاركة الأصلية كتبت بواسطة مشكلة والله !
بكل صراحة أسبابك غير منطقية للزواج من أخرى ..
أنا شايفه واللي فهمت من كلامك مايهمك الأطفال أو تأخرها بالإنجاب
اللي فهمت إنك تبي تغيّر وبس !
بعطيك قاعدة اللي يناظر للحرام مايملى عينه غير التراب ! << وإن شاء الله إنك مو منهم
بس وش تبي تقول للناس اذا تقدمت لهم ؟؟
بيسألونك وش أسبابك للتعدد ؟؟ بتقول عشان يطيح اللي براسي ؟؟
بالله عليك هذا سبب ؟؟
بعدين وش مصير زوجتك الثانية بعد كم سنة ؟؟
تمل منها وتطق عليها رقم ( 3 )
وبعدها بكم سنة رقم ( 4 )
بعدين شطب على رقم ( 1 ) وإضافة رقم جديد ..... إلخ
وبعدين ؟؟
اتوقع والله أعلم إن عمرك أكبر من 31 هذا واحد !!
والشيء الثاني أخاف إنك تاخذ الثانية مجرد تسلية وبعدين تطلقها وتحطم مستقبلها
وترجع لزوجتك الأولى إن فعلت هذا فإنك تنضم لقائمة المجرمين السفاحين .. !!
لذلك ماأشوف في فكرتك أي جدّية أو لـ نقل ( سبب منطقي )
أنصحك ماتكمل المشوار لأن الفكرة من بدايتها فيها غلط كبير !!
الله يستر منكم يالرجال من جد ( يامأمن الرقّال يامأمن الميّه في الغُربال ) !!!!!!
أختكم / د . مشكلة والله
عميدة جامعة المشاكل والدعم الفني في القطب الشمالي ..
التوقيع : شخخطط !
! |
أختي الكريمة
جزاك الله خيرا
ليتك والله تحسنين أسلوبك أولاً , وتخلين العاطفة على جنب
مين قال إني أناظر , قلت كم مرة إني اغض البصر لكن فيه نظرة صدفة وفجأة ما تدرين !
وبعدين كيف تحكمين علي بعدم إرادتي للإنجاب ؟؟؟ عجيب والله .
قايلك أن شفقان أبي عيال
وبعدين مين قال لازم يكون هناك سبب أصلاً ؟ هات دليل من الكتاب والسنة وأنا أسمع لك وأطيع
لكن هذا شرط ظهر طفرة من طفرات المجتمع , وإلا ما له أصل مطلقاًاا
إذا اسألوني وش أسباب الزواج , أبقول أبتزوج بنتكم واستر عليها
وبعدين أنا إنسان أخاف الله ما نيب مقدم على شيء يكون فيه ذنب لي , زوجتي الأولى والثاني كلهن واحد .
وانا مانيب من الي يتزوجون تسلية بس , وش ذنب المسكينة بنت الناس ؟
وبعدين تكذبيني بعمري عجيب والله, أنا أصلاً ما كملت 31 سنة , زين ؟
التعديل الأخير تم بواسطة الموحد لله ; 26-08-2010 الساعة 11:00 PM