في نسخة مصورة لبطاقة الأحوال حقتي كتبت عليها هالرسالة ..
ملاحظة : هذي الرسالة كتبتها لي بعد ما رجعنا من الخارج في أول إجازة لنا ...واللي كانت بعد سنة ونص من سافرنا ...
ملاحظة ثانية : ستقرأون في الرسالة قصة مايكرويف ...أوضح الآن :
تزوجنا وسكنا في شقة مستقلة بعيدة عن بيت أهلي تماماً ..بعد 8 أشهر حان موعد السفر للخارج ...كنسلنا شقتنا وأثاثنا كله حطيناه بيت أهلي ...طبعاً أحنا ( أهلي) ما نستخدم مايكرويف ...بس كان محطوط في المطبخ ....لما رجعنا السعودية ورحنا البيت زوجتي شافت المايكرويف اللي هو كان هدية الزواج من أخيها ...زشافت الماكيروف في المطبخ وشبت علي ...ستقرأون في الرسالة وتعرفون ..وأنا لا استطيع أخذ المايكرويف لأان احنا ما عندنا شقة لما رجعنا ....يعني أشيله من مطبخ بيت أهلي ...وضع محرج علي ..وهي أذتني والله كانت تغلط على أهلي تقول اشلون يستخدموا شيء مو لهم وإلى الآن هالموقف في نفسي .. أهلي أمي وأبوي وأختي هم اللي سافروا لها إلى أقصى العالم لما ولدت عشان يقوموا بشوؤونها وهي ترد إحسانهم لها بإساءة ...حتى من تسألني بتسخن لي أكل ...أقول لها لا تسخنيه في ميكرويفك من باب الضحك ( أنا أصلا ما آستخدم المايكرويف من قبل وهي تعرف هالشيء) ...
( 9 )
أولاً : أكيد بتعصب لأني كتبت على هالورقة بسبب ما لقيت غيرها ..والحاجة تبرر الوسيلة ..
ثانياً : لأان الوضع وصل إلى حد ما ينسكت عليه عشان كذا كتبت في هالورقة وما قدرت أصبر ...
أحس أنك لم تعد تتقبل مني أي كلمة أقولها والسبب مجهول لدي ...
أنا أعترف أن أسلوبي ورفع صوتي ما يعجبك ...بس أن تعرف القانون اللي يقول لكل فعل ردة فعل ...وأنا ما أبرر لنفسي كما تعتقد دائماً ..ولكن أنت كل شيء أقوله لك تقول لي بعدين ....مو ألحين ...الآن صار لنا أسبوعين من جينا وأنا أحس أن كل شيء تسويه لي بالغصب ....ومو من طيب خاطر ..سواء طلعة سوق ..تقضية أغراض ...حتى الكلام معك أحس غنك مغصوب تجاوبني أو ترد علي ..
إذا في شيء في خاطرك قووول ...مو تقول لي أنا مليت وزهقت وما راح أتكلم ...لأنك بكذا ما راح توصل اللي بخاطرك وبالتالي ما راح يكون هناك تفاهم أو سعاده أو رغد في العيش ...
وإحنا إجازتنا بس شهرين ...يعني إذا ما ارتحنا فيها ...راح نخسر كثير ...والمسألة أكبر من مسألة إجازة وتعدي ...ورانا سفر وغربة إذا ما تفاهمنا من هنا ...ما أعتقد راح نتفاهم هناك ...
أنا بتكلم عن نفسي أول ما جيت كنت مو رايقه لأنك انشغلت عني فجأة ...وكنت أبي أغقضي لبنتي ملابس ...وبعد عناء رحنا اشترينا ...وبعدين بغيت لي ووديتني ما قصرت....وألحين يشغل بالي موضوع المايكرويف ...حبي هو ما يغلى على الأهل ..بس صدقني اللي حاز في خاطري أنه هدية من أخوي وهو هدية زواجنا وما استخدمته بس .....
وأنت تدري ان هالموضوع زاعجني وأنت ما تحاول تنههيه وتريجني مع أنه ما يضرك شيء ...أتمنى إنك ما تأخذ الموضوع بحساسية وإذا ما ودك خلاص خله علي وأنا أنهيه بطريقتي ...بس ما أبقي الموضوع كذا معلق لأنه مو زين لا لي ولا لك ...
وأحياناً تتعمد تغيظني ...وأنا أنغاظ عن جد ...أتمنى تبطل هالحركات وتقول كلمات تجرحني في هالفترة الي مضت ...وأتمنى تبطلها والباقي لابد من الكلام فيه ...
حبي أحس لم أعد أستطيع أن أتكلم معك بصراحة مثل قبل ..لأان كل شيء بتزعل وبتتحسس منه لأسباب أنا أجهلها ...
أتمنى تقرأ رسالتي وتفكر في الكلام المكتوب فيها ..ونجلس نتصارح ..وإذا أبد أبد نحكم أحد من أخواني عشان يكون اللي يوضح وجهة نظر الواحد منا للآخر ما دمنا لا نستطيع ذلك ...وشكراً مقدماً ..
أنا شاريتك ...واتمنى ما تبيعني .."
التعديل الأخير تم بواسطة الأخلاق ; 11-08-2010 الساعة 12:24 PM