أخوي الأخلاق ..

ماشاء الله تبارك الله ، ما ينخاف عليك .. رجال عن مية رجال و الله ..
نقاشك كان في محله ، و تصرفاتك رائعة ماشاء الله .. و أفضل مما توقعت و تصورت ..

صدقني ، هم حتى لو بيحطوا لها مبررات ..
لكن بداخلهم راح يقتنعوا بأغلاط أختهم و عالأقل اتضحت الرؤية عندهم

برضو أعطيك مثال ..
عندي وحدة من اخواتي ،، زوجها ماشاء الله عاقل و عقله كبير و انسان منطقي في تفكيره و عملي و مو مقصر معها
أختي هذه ، أنا و أمي و أخواتي و أخواني .. عارفين بعيوبها ..
حساسة جدا ، و تفسر الأمور دايما غلط من راسها و لسانها طوييييييييييييييل ..

فيوم تنقهر من زوجها ، تجلس تحكي لأمي و مرات أختي و أمي و زوجها يجلسوا يتكلموا ..
فأمي تجي عندنا و تقول ،، أنا صح أدافع عن بنتي قدام زوجها و أبرر أغلاطها ..
بس و الله زوجها عاقل و كويس اللي متحملها ، لإنه بنتي و أعرفها و أعرف عيوبها

دايم كنت أقولها ليش تدافعي عن زوجها ؟ تقول لإني عارفة عيوب بنتي و عارفة إنها هي الغلطانة
و أخوي الكبير نفس الشئ ، يعرف عيوبها و اللي هو بنفسه ما يتحملها ، لكن قدام زوجها مستحيل يعترف بأغلاط أختي
بس قدامها و قدام أمي يجلس و يتكلم و يخااااااااااااصم فيها ..


فأخوان زوجتك ما راح يبينوا قدامكم ، اعترافهم بأغلاط أختهم .. و طبيعي يبرروا لها
لكن أهم شئ إنت عملت اللي عليك ..

الهدية لو ما تبغى تخليها الحين معاك .. و بما إنك سألت سؤال محدد فيه ..
فراح اجاوبك على حسب خبرتي البسيطة .. لإن أمي تفهم فيها اكثر و أخواتي ..

الذهب إذا كانت فيها أحجار كريمة أو فصوص ،،
راح تشتريها بالغالي ، لكن تبيعها بخسااااااااااااااااااارة .. لإنهم ما يحسبوا سعر الحجارة و الفصوص ..

قبل لا تبيع الذهب ، شوف سعر الجرام كم ؟؟؟؟؟؟
لو كان مرتفع ، فبيعه .. لو نازل فلا تبيعه .. لإنه يفرق في السعر ..

لو عندك الفاتورة ، أتوقع ممكن يفيدك و الله أعلم ..؟؟؟
يمكن يرجعوه بسعر أقل بشوي ؟ماني متأكدة ..

لإني ما أحب ألبس ذهبات فما أدري ..
و في الغربة ما أحتاجها أصلا ..

و ربي يوفقك .. و يجمع شملكم على خير ..