الغلط منك انتي
لو نفذتي كلامه ولميتي اغراضك وخليتيه يسعى وراك عشان ترجعين
ماراح يقولها مره ثانيه ابدا
كل ماقالها ترجيتيه انه مايسويها ويقتنع ان نقطة ضعفك هي الطلاق او الفراق لبيت اهلك
ويمسكها عليك
انا عن نفسي كنت دائما اقولها الين في يوم من الايام صارت وقالت المدام مشينا وديني وفعلا طلعنا السياره
وابيها تتراجع تترجى زي كل مره مافي فايده الين انا اعتذرت ورجعنا البيت وانتهت المشكله
وبعدها حرمت اقولها او اجيب طاريها
ومره كنت جالس مع عديلي في الشرقيه وجبنا طاري هذا الموضوع واكتشفت انه كان يسوي نفس الحركه وزوجته فعلت نفس مافعلته زوجتي معي وبعدها تادب وتاب وماعاد يجيب طاري الكلام هذا
نصيحه لوجه الله حياة بلا كرامه وامن عاطفي واسري قلتها احسن
انا رجال وانصحك من واقع تجربه
وقفيه عند حده وبعدها وربي ليتادب ولاعاد تسمعين هالكلام منه ابدا
__________________
لن يكون شيء في الكون الا ما اراده الله سبحانه وتعالى فلاتبتئسو ولاتحزنو بل اصبرو وتفائلو