السلام عليكم ورحمة الله وبركاته
قرأت مشكلتك وتألمت على ما اصابك في هذا الحياة الفانية
اخوي موطن الحزن ابكتب لك عن حياتي في بداية زواجي والحزن اللي كان مسيطر علي وقتها
ابوي ارغمني على الزواج من ولد عمتي ولا اهتم بعارضتي وعدم قبولي له
فترة الملجة اعتزلت اهلي واصابني حزن كبير لدرجة ان طبقة الصوت عندي تغيرت وما اقدر اتكلم طبيعي
يوم الزواج كنت تعيسة جدا..وماقدرت اتقبله وبعد اسبوع هربت عند اهلي رافضة الرجوع له
بعد ايام ارغموني اهلي ورجعت له حزينة ومهمومة وطلبت انه يطلقني...رفض طلاقي وحاول انه يسعدني ويشيل الحزن والخوف مني..كنت ادري اني غلطانه بس شسوي مو بيدي ما كنت مرتاحة وياه وكلمة ودني بيت اهلي على لساني
اخي الكريم..
مرت شهور وانا عند اهلي مابيه وكنت حامل وقضيت فترة حملي كلها عندهم وهو وقتها كان تعيس ومهموم ودايما رايح جاي على بيت اهلي...
ماتغيرت مشاعري تجاهه الا بعد عدة 4 سنين وصار عندي توأم روحي وكلي..
زوجي غير وسيم ويختلف كثييير عن الأوصاف اللي رسمتها في مراهقتي
بس بحسن معاملته وعاطفته كسب قلبي وحبي...الله يحفظه لي ويرجعه بالسلاااامة...قول امين
التعديل الأخير تم بواسطة حلم وتحقق.... ; 03-08-2010 الساعة 02:40 PM