بحاول ألخص المشكلة ...بشكل مختصر جداً جداً .

1- صار لنا من تزوجنا 4 سنوات ....رزقنا الله ببنت عمرها الآن سنتان .

2- أخوها تقدم لأختي العام الماضي .. صار نصيب ....وملكوا على بعض مباشرة ...تزوجوا قبل شهر .

3- مشاكل صغيرة من الحريم من الطرفين ( هذي ما زارتني في مناسبة كذا - هذي ما سلمت علي - هذي ما احترمتني - هذي ما وجبتني ....إلخ )..أفرزت توتر في العلاقة بين الحريم في العائلتين.

4- هالمشاكل الصغيرة سووت مشاكل كبيرة جداً .ليلة زوج أختي بأخو زوجتي ....( لا أبالغ في قولي كبيرة جداً فعلاً هي كذلك ) ..

5- في يوم الزواج استمرت المشاكل ....وأخذت أبعاداً أخرى.....لم يهنأ العروسين الجديدين لا ليلة زواجهما ولا بيومه ولا بالأيام الأولى لهما.

6- هدأت المعركة قليلاً لمدة يومين تقريبا....ولكن في أمور بسيطة تحدث....ولكن النفوس مشحونة.

7- بعد أسبوع من الزواج أختي وزوجها كانا جالسين في بيت أهله( اللي هو بيت أهل زوجتي ) تم فتح ملفات المشاكل اللي حصلت في ليلة الزواج طبعا الكلام بين أختي وأخوات زوجها بس ( هذي أمي ...وأمي أنا ماهيب أم يعني ...الي غلط لازم يؤدب ....انا ما بتنازل عن حقي ....ومن هالكلام ) ....

8- صار تطاول على أختي طارت غرفتها وهي منفعله جداً جداً ...لم يستطع زوجها تهدأتها ...زوجها اتصل على أبوي ...قال فلانه مو جايه تهدا ...قال تعالوا اثنينكم ونشوف السالفة..

9- جلس أبوي معهم وهدأ أختي ....ولكن هو في نفسه الأشياء الكبيرة الي صارت ليلة الزواج ... والموقف الأخير خلاه يعصب جداً ....يقول اشفيهم على بنتي يبوا يخربوا عليها وعلى زوجها ....اتصل بي أبي وقال زوجتك لها وعدها إذا جيت من العمل ....لأن لها دور في المشكلة...فقال بيكلم واحد من خوانهم عشان يصير حل للي قاعد يصير....أنا امتصيت غضب أبوي وقلت له خل الموضوع علي ...ولازم تكون جلست رجال عشان توقف مهزلة هالحريم اللي صايره ...قال أوكي.

10- أنا كنت في مدينة ثانية لأمور العمل..ولما نزلت ما كنت أعطي زوجتي وجه وهي تحس بهالشي ( طبعاً ما أعطيها وجه لأمرين تعاملها معي وعدم احترامها لي ...والأمر الثاني بسبب تصرفاتها في هالمشاكل الحالية اللي قاعده تصير ).

11- كانت تحاول أن أتحدث معها وش اللي فيني عليها ....أنا أتجنب الحديث في ذلك .

12 - ضلت تصر لمدة يومين علي لازم أطلع اللي في قلبي ...وأنا مدرك أن لا فائدة وكلامي معها راح يزيد الطين بلة.

13- بعد ذلك قلت لها " أنتي ما تحترميني ولا تحترمي أهلي " . >>> أخواني أخواتي حطوا خط على انتي ما تحترميني .. بتكلم في هالنقطة فيما بعد.

14- مع الكلام ....وهي مشحونه بسبب المشاكل اللي بين العائلتين وأنا كذلك ....انفعلنا .

15- قلت لها لو يجتمعوا أهلك كلهم ( قصدي خواتها ) عشان يفرقوا أختي وزوجها ما راح يقدروا .

16- انفعلت انفعال شديد جداً .....طلبت الطلاق كعادتها بشدة وهي تبكي...كررت الطلاق أكثر من مره ...قلت لها بطلقك بس عشان تفك عني ...طارت على الجوال كعادتها عشان بتنقل لأهلها وش اللي صار وأني بطلقها...كلمت أمها ..واخ كبير لها .

17- كلمني هذا الأخ ....وكان منفعل علي ....أنا امتصيت غضبه وقلت له الموضوع كله يحتاج وقفة رجال ..واتفقنا على أن بنجلس مع بعض عشان نحط حد للمشاكل .

18- بعد مكالمتي مع أخوها ..أصرت أني أوديها بيت أهلها ....أنا رافض رفض قاطع....اتصلت بامها كلمتني أمها قالت جيبها ...قلت هي في بيتها معززة مكرمة ولا راح تطلع منه ...قالت جيبها عشان تهدا ويصير خير ...

19- قلت لها والله العظيم يا عمتي أني راح أجيبها احتراماً وتقديراً لك ولكن إذا جبتها ما راح أرجعها أنا من نفسي. لأني مو أنا اللي مخليها تروح.

20 - أخذت ملابسها ....وركبنا السيارة ووديتها ...

21- أنا نزلت عشان ابي اشوف عمتي شخصيا ...وتكلمنا ....بعدين جت زوجتي يمنا قالت لي " اطلع برا "

22- قلت لعمتي شهدتي عليها ....أطرقت براسها ساكته .....كررت زوتي كلمتها " اطلع برا " نظرت الى السماء وقلت اللهم اشهد اني أديت ما علي .

23 - عزمت على الخروج فقالت زوجتي أخذ بنتك ( ذات السنتين ) معك ..قلت خليها عندك قالت عمتي " أخذها تتونس بها "

24 - رمت علي بنتي وخرجت بها .

25- أسبوع كامل مر وبنتي معي وأنا مو عارف وش أسوي ...لا يوجد اي تواصل لا برسايل ولا بجوال بيني وبينها.


26- كلمت أخ آخر ( غير ذلك الأخ الذي كلمني بالجوال وكان منفعلاً ) ...شرحت له الموضوع كاملاً.

27 - أرسلت هي لي رسالة على الجوال بعد أسبوع كامل " أبي أشوف فلانه " يعني بنتي ..طبعاً لم يتكلم معها أخوها بعد...يعني الرسالة من نفسها ومن محض أرادتها .

28- أنا ما رديت عليها ولا على رسالتها ...مطنشنها .

27- جلس معهم الظاهر وقال لزوجتي أول شيء البنت ما تكون مع أبوها وبجيبها.

29- اتصل أخوها وقال لي جيب البنت ....طبعاً هذا بعد 3 أيام من رسالتها .

30 - وديت بنتي ....وقلت لأخوها أني كل بين يومين ابي أجي أخذ بنتي.

31 - وبالفعل كل بين يومين اتصل عليه عشان أخذ بنتي حيث كان هوالوسيط بيني وبين زوجتي في أخذ بنتي ....حيث لا يوجد أي تواصل بيننا.

32- طبعا هذا الأخ في محاولات لإصلاح مشكلتي انا وزوجتي.

33- بعد 14 يوم من طردتها لي ارسلت لي مسج نصها " الحين بس عرفت غلاي" .

34- ما رديت عليها طنشتها ....

35- بعد 17 يوم من طردتها لي اتصل بي اخوها عشان نجلس ثلاثتنا لحل المشكلة ....أنا قلت له مستحيل أني أجلس معاها في مجلس قبل أن تعترف بفداحة طردتها لي أمام أمها ورميها بنتي علي ...

36 - قال لي ستطول المسألة ...قلت انا ما عندي مشكلة في طول المدة أهم شيء يكون الحل جذري.>>>طبعا اصراري كله نابع من معرفتي بزوجتي ونفسيتها ومواقفها .

37- بعد 18 يوم اتصل علي أخوها ..انها بتجي شقتنا بتاخذ أغراض لها ..قلت ما عندي مشكلة جابها أخذت الأغراض وخرجت ...

38- بعد خروجها راحت للشقة ما أشوف الا صورها ليلة الملكة أخذتها كلهم ....وفي صورة لي أنا وهي ليلة الملكة شقت صورتها ورمت صورتي على الأرض.

39 - ما سويت شيء ولا كلمتها ولا أرسلت لها شيء ( طبعا هذا الشيء متواصل من طردتها لي ).

9120 يوم من طردتها لي ما نصها " يا حلوها حياة العزوبية بس لو انك مكمل جميلك ومأخذ فلانه ( يعني بنتي ) كان عال العال .

41 - من طردتني صار الآن 20 يوم ....لم أتواصل معها في أي شيء ..فقط هي ارسلت لي الثلاث الرسائل اللي قلت لكم عنها ..