اقتباس:

المشاركة الأصلية كتبت بواسطة جمااال الروح ياحبيبتي يانورا زين شفتي مستجداتي...بس اللي ذابحني يانورا اني أبسكن بدور فوقهم طبعا دور منفصل يعني الباب مسكر بس خايفه يقولون طلعت جت تأخرت!!!بنفس الوقت كيف بيكون وضعي أنزل لهم يوميا أو يومين بالاسبوع أو يوم واحد؟؟؟؟؟؟؟؟؟؟

لا ياقلبي لا توسوسي .. بالعكس فكري فيها من ناحية ايجابية

قولي لنفسك على الاقل بيونسوني لما يكون زوجك مش موجود

لو احتجتي لشي او حصل طارئ و انتي لحالك لاقدر الله بيكونوا جنبك ...


اما عن التواصل .. فا اسالي زوجك .. هو الادرى فيهم

بعد الزواج اساليه بهدوؤ .. حبيبي انا توني اعرف اهلك فياليت توضح لي

انزل لهم يوميا و لا هم يتضايقون .. كيف طباعهم .. عمتي ايش تحب و ايش تكره

خليه يعطيك الخطوط العريضة و الباقي بتتعرفي عليه لحالك ..

ممكن تتصلي بعمتك يوميا مثلا تسلمي عليها و تسالهيا انزل اساعدك بشي

و تنزل لهم كل يومين مثلا الصبح تشوفي حابين مساعدة بشي

ولا العصر تنزلي تسولفي معاهم... او تتصلي تعزميهم العصر على حلا عندك

وهكذا .... اهم شي خلي لسانك حلو دايما مع عمتك

صدقيني الكلمة الطيبة تعمل العمايل

احترميها و قدريها و فوتي لها اي كلام ما يعجبك او تعليق ما يعجبك

و خلي على لسانك كلمة و لايهمك و ان شاء الله و حاضر

.. اذا طلعتي للسوق ارجعي لها بهدية بسيطة

اذا رحتوا تتعشوا بمكان ممكن تعزميها معاكم مرة ..

لا تنسي تهديها بالعيد و تتصلي فيها و تهنيها بقدوم رمضان و العيد

و اياك تتكلمي عنها لاي حد حتى لو مع اختك لانه الكلام ينتقل ينتقل و مبهر كمان

خلي علاقتك بزوجك رسمية قدامهم .. فلا تضحكي و تتمايلي و تتمايعي معاه

و حتى لو عنده عادي بيني له انك ما تحبي هذه الاشياء قدامهم لانها هذه الحركات
هي اللي تنشأ الغيرة بين الحماة و اخت الزوج و الزوجة ..

مش كل حاجة يشتريها لك تروحي توريهم ... لانه برضو ممكن تزرع الغيرة فيهم
وتوصي زوجك يكون يهدي امه و اخته من وقت للثاني ولو كانت هدايا بسيطة

صدقيني .. تعاملك الطيب مع اي شخص عاقل راح يغيره ..

و انتي توسمي الخير .. و حطي ببالك انها ام بالنهاية و غرضها بالنهاية تشوف

ابنها سعيد مع زوجته.ز و لا تخلي ببالك انك داخلة حرب معاهم بالعكس
انتي رايحة للناس جدد راح يكونوا اهلك و اهل اولادك باذن الله

الله يوفقك يارب و يسعدك

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله