شكرا لكل من قرأ مشكلتي ورد عليها حتى اللي ماردو عليها اشكرهم
صدقوني انا الى الآن مااتخذت قرار نهائي لحل مشكلتي وقرار الرجوع حاجة ترجع لي ومافي احد يقدر يغصبني على شي أنا ماابيه وخصوصا والدي وهو رافض فكرة الطلاق من البداية وقالي يابنتي عطيه فرصة يمكن انه يتغير ويصير انسان صالح واكيد الوالد خايف على مصلحتي واي ابو ماراح يرضيه انه بنته تكون مطلقة
وانا الحمدالله حالتنا المادية ممتازة بس انا لما افكر من جميع النواحي اشوف انه الطلاق راح يأثر على عيالي وهذا همي الوحيد راح يعيشون حياة غير طبيعية ابوهم في جهة وامهم في جهة راح يفقدون الاستقراروراح يحسون انهم غير الاطفال الطبيعيين وبصراحة انا كلمت اكثر من شيخ ورحت حق شيخ انا وزوجي والوالد كان معنا وقلت ماراح ارجع الا بشروط وزوجي انشاءالله ييكون عرف غلطته وانه اللي سواه شي يغضب الله وهذا صدقوني درس له وتعلم منه لانه الحين فقد اغلى الناس عنده انا وعياله وهو الحين مستعد ينفذ كل
شروطي واكيد اني ماراح ارجع له بسهولة وهو قال للشيخ انا غلطت واتحمل اللي يصير لي الحين وهو عارف انه لو مانفذ الشروط راح يصير اشياء هو عارفها زين لان الشيخ واقف معاي
وانا ماقلت لكم الموضوع بكل تفاصيله فيه اشياء ماذكرتها لكم وبالنسبةللامراض انا الحمد الله رحت وسويت فحص والحمد الله مافيني اي مرض وهو بعد سوا فحص وطلع سليم مافيه اي شي وهذا كلام الشيخ لي انه هو مافيه اي مرض وشاف التنيجة بنفسه وصراحة هو متمسك فيني ومايبي يطلقني وانا ماراح صراحة اهدم حياتي وحياة عيالي عشان وحدة ماتسوى شي بالنسبة له الحين لانه هو راح للشيخ واعترف له بكل شي ومسألة انه زاني انا عارفه هذا الشي بس مافيه دليل يثبت كلامي لازم يكون فيه 4 شهود عيان والمحكمة ترى ماتاخذ بكلامي لازم ادلة تثبت هذا الشي
ان الله يهدي من يشاءوان الله مع الصابرين وانشاءالله الله يجازيني على صبري معاه وكل اللي بقوله انه الله يهديه ويصلح حاله انشاءالله لنفسه ولعياله وكل اللي ابيه منكم انكم تدعون له بالهداية وجزاكم الله خير
التعديل الأخير تم بواسطة لنظرتي معنى ; 27-07-2010 الساعة 02:40 AM