ياريت اخي توضح لنا الظروف بينك وبين زوجتك لان رد فعلها غير طبيعيه
ما اتوقع انه ما في اي مشكله وانت طالع من البيت كويسين مع بعض و اخر حب ولما ترجع ومعاك هديه ليها ترفضها منك
بقله ذوق كان لازم تسالها عن السبب ممكن نفسيتها تعبانه من شئ يستحق والله اعلم
ذكرتني بنفس الموقف حصل بيني وبين زوجي بس طبعا ما رميتها بوجهه كانت نفسيتي تعبانه جدا جدا من جارتي اللي اكلمت علي كلام الله يسامحها وانصدمت فيها اولا و اكلمت علي ثانيا وما حد هيحس بما كنت فيه لدرجه الكوابيس كانت لا تفارق نومي وزوجي الله يخليه راح جابلي هديه حتي يواسيني فرحت جدا وبفتح الهديه الاقيها مقاس بنوتات صغار لكنه مسكين مو عارف طبعا ابتسمت بوجهه 
والصراحه كنت مقهوره يعني راحت الفلوس وكمان الهديه محتفظه بيها لاكني مو استخدمها لا تصلح لي
نرجو منك توضيح الصوره والظروف لنقدر نساعدك صح 
__________________
التعديل الأخير تم بواسطة زي القمر زي ; 25-07-2010 الساعة 07:06 PM