منتدى عالم الأسرة والمجتمع - عرض مشاركة واحدة - نريد شراء سيارة بحدود السبعين ألف .. مقترحاتكم

22-07-2010, 04:25 AM

#64

أمة البديع

كبار شخصيات المنتدى

تاريخ التسجيل: Dec 2005

المشاركات: 1,737

أخي الفاضل شاطئ المحبة

ماهوعيب المازدا والله زوج أختي عنده مازدا من 2002 ماشاء الله إلى الآن ماشية زي الفل

صحيح أيادي الأبواب طارت من جوا بس مازالت تفتح من برى

وصحيح ماتتقفل غير كل باب بنفسه بس إلى الآن ماانسرقت

صحيح كل شهرين بتزور الصيانة بس والله وأنا أشهد بسبب سواقة زوج أختي

حاكم هو مابيلاقي مطب إلى ويدعس لعنده

ومابلاقي حفرة إلى وبيطمس فيها

بس عالعموم كانت ماشية معاه زي الفل

والآن هو بصدد إنو يشتري سيارة وأصدقاؤه نصحوه ب نيسان تيدا

مابعرف عنها شي بس كتير نصحوه فيها

وعندك كمان الميتسوبيشي كتير ناس عم تنصح فيها أبو عمر

بس أبو عمر مانو قادر يفارق الكابرس 94

ويامن تراه عم يبوس فيها ويطبطب على الدريكسيون ويقول مافي منك والله

وكمان عندك الهونداي سوناتا كتير قالوا إنو موديل 2010 متطور ومتحسن عن السنوات الماضية

وكتير كمان نصحوا فيها أبو عمر بس أبو عمر اعتراضه عليها إنها صغيرة

وهو من الأحجام الكبيرة وبدو سيارة يقدر يتفرفد فيها

شوف عشان ماأخربطك من كثر الحكي اللي حكيته فوق اقترحت عليك

التيدا من نيسان

الميتسو بيشي

السوناتا

وعلى فكرة المازدا مانها هاالسيئة لأنو بالفعل لو سيئة ماكانت عاشت مع زوج أختي

أتمنى لكم التوفيق وعقبالنا

آخر اقتراح

شو رأيك بسيارة أبو عمر كابرس 94 والله ببلاش

وبعطيكم من عندي هدية اشتراك مفتوح للأبد عند ورشة تصليح vip

دمتم جميعا في حفظ الرحمن

تحياتي

__________________

ياسوريا سامحينا *** والله حقك علينا