أخوي

أول شئ ، إنت غربتك كم سنة ..؟؟؟؟؟
سنة ..؟؟؟ 2 ؟؟؟ 3 ..؟؟؟؟

بأسألك ، لإنه كل ما كانت سنوات الغربة أكثر .. كل ما كان لصالحك إنت و زوجتك
تبنوا حياتكم مع بعض ، من غير تدخلات من أهلها أو أهلك ..

و هي طبيعي راح تتأثر بأهلها طول ما إنها جالسة عندهم ..

و إنت من يوم ما نزلت عندهم و تبغى تتحكم فيها ،، و كلها شهر تقريبا اللي بتجلسها عندهم ..؟؟؟
و طبيعي راح ترفض إنها تسمع لك لإنها تحس إنها مازالت في بيت أهلها ..
لكن يوم زوجتك تكون عندك في البيت ،، وقتها بيكون وضعكم مختلف ..

أما رائحتها كما ذكرت .. فشكلك دقيق جدا ..
و صدقني ،، الحياة مو لازم إني أخد شخص يتفق معاي في كل شئ ..
و الدليل إنه السالب و الموجب ينجذبوا لبعض
لكن موجب مع موجب ،، أو سالب مع سالب فراح يتنافروا ..

إنت الموجب ، و هي السالب
فلابد إنكم راح تتجاذبوا ،، و لحد ما توصلووا لمرحلة تتوازنوا فيها ..

أنا و زوجي كذا ،، عكسكم الإثنين
أنا طبايعي نفسك تقريبا ، و هو نفس طبايع خطيبتك و أهله أكثر منه ..
بس وصلنا لمرحلة توازن و الحمد لله ..

يعني إنت مررررررررررررررررة دقيق الملاحظة ، و مرة حساس .. معاها راح تتوازن أمورك
و هي فوضوية و كذا .. بس معاك راح تتحسن ..

دام إنها ما تعاندك و لا تحاول تكسر كلمتك فإن شاء الله راح تستمروا ..
و صدقني ، الغربة و خاصة في بداية حياتكم الزوجية راح تكون لصالحكم ..