و الله ياخوي ، الحمد لله إنك صبرت أيام و ما استعجلت ..
و الغلط و العيب ما جاء منك و الحمد لله ..

لو إنك اتصلت و استعجلت و كلمتهم و قلت خلاص ما ننفع لبعض ،،
كانوا ممكن أخدوها حجة عليك ..

لكن ربي رايد لك الخير بإذن الله .. أول شئ إنه صرفها عنك و الحمد لله ..
و ثاني شئ ، إنه الأمور لصالحك و الحمد لله ..

و لا تزعل و لا تشيل بخاطرك .. و الله قصتك نسخة من قصةة أخوي ..
كذا حصل له مع خطيبته الأولى ، و كان هو صابر و متحمل و كل شوي يقول بكرة نتزوج و أنا أعلمها ..

المهم ، تزوج غيرها و الحمد لله إنه مبسوط مع زوجته و هي مبسوطة معاه ..
و صار له متزوجها من سنوات و الحمد لله ،،

و بإذن الله ربي يعوضك باللي أحسن منها ..

و معليه سهرناك ، لكن بجد شلنا همك..
و ما تعرف إيش حكمة ربنا في الموضوع .. لكن كله خير بإذن الله