كثير يتصورون ان اخلاق الرجل وشهامته تغني
عن المستوى المعيشي الكريم .. لذلك يستنكرون على البنات
سؤالهم عن الراتب ... ولكنهم غفلو عن شغلات معينة
اولا بالنسبة لاخلاق الرجل .. اقصى ما يمكن للبنت تعرفه عنه
هو صلاته وتعامله مع عامة الناس (طبعا من خلال مراقبة اهلها له )
اما تعامله الحقيقي غير المتصنع وافكاره فيبان البعض منها بعد العقد
وتبان في معظمها بعد الزواج ... لذلك الحكم على اخلاق الرجل قبل العقد
وفترة الملكة .. حكم غير دقيق .. يعني اخلاق الرجل تعتبر بحكم المجهول تقريبا
ثانيا .. في ناس يسالون عن الراتب عشان يتاكدون من مستقبل
بنتهم .. وفي ناس يسالون عشان يستغلون فلوسه بمهر غالي وحفلات وخرابيط
النوعية الثانية هم الي يسالون اول ما يسالون عن الراتب ..
وبشكل عام من حق البنت واهلها يعرفون المستوى المعيشي المستقبلي
ثالث شي .. لو كان راتب الرجل على قده .. فمو هنا الاشكالية
الاشكالية بردة فعل الرجل ناحية راتبه وهو عارف انه ما يضمن له ولا لزوجته
مستوى معيشة معقول .. في رجال يتوظفون بهالراتب ولكن ما يوقفون عند
هالنقطة .. يحاولون تحسين مستواهم التعليمي والعملي سواء عن طريق الدوام
الاضافي او الدورات او اي طريقة .. وهالنوعية غالبا يتحسن وضعهم
وفي رجال يكونون راضين بوضعهم ولا يعتبرنه اشكالية .. فالي زي كذا
كيف بيصرف على زوجة واطفال بهالراتب ؟؟
ممكن البنت تتزوج رجل راتبه 3000 بس فيه همة وطموح
تخليه يحاول يحسن وضعه .. ولا تتزوج رجل راتبه 6000 بس خامل
ولا فيه همة .. بحيث لو جاهم اطفال وازدت المصاريف ما يتحرك ولا يسوي شي
__________________
شتان .. بين من تسيره مبادئه ، ومن تسيره مصالحه