اقتباس:
المشاركة الأصلية كتبت بواسطة على امل اللقاء
طول اليوم افكر بموضوعك
لو كنت ماعاد تبغى البنت خليها تجي منهم افضل عشان تضمن حقوقك وانك تاخذها كامله
الحل انك تتركهم كذا ولاتحدد يوم زواج وخليها سنه ملكه وشوف انت ردة فعلهم واتركها فترات طويله بدون زيارات ولا اتصالات
خليهم هم يجروو وراك وتعذر بالشغل واي شئ الين يقولو هذا حدنا اترك بنتنا ووقتها اطلب كامل حقوقك منهم
انا شايفه انهم بيستعملو نفس هالاسلوب معاك الين انت تقولهم خلاص مالي فيكم
بس يبغالها طولة بال وصبررررر
الله يعينك على ماابتليت فيه ويفرج همك ويعووضك خير
موفق بأذن الله
|
يا هلا أختي ...
طبعاً هذا الحاصل حالياً سكوت من طرفي وسكوت من طرفهم
والهدوء يهز أركاني والله !
ودي أخلص وانتهي من هالكابوس بأي طريقة ، فالعمر يجري ، ووقوع البلاء أهون من انتظاره !
لا حنا اللي استمرينا ولا حنا اللي انفصلنا وشفت نصيبي مع غيرها ...
طبعاً أنا فعلاً مشغول وقاعد أدور على بيت أكبر دورين مفصولة لي وللوالده
وهي حجتي برضو حتى مع أبوي اللي ما يدري عن شي ( لأنه برضو منفصل عن والدتي )
وسكت عشان ما أبي اي شوشرة واستفسارات زايدة في موضوع ما ودي أتكلم فيه ...
عموماً أنا رجل صريح جداً ولا أتوقع إني راح أتعذر بشي قدام أهلها لو كلموني وراح أقول إنه سبب عدم ردي
هو عدم تقديم البنت لأي بادرة من بوادر التغير ، بالعكس تبي تغيب وترجع متى ما بغت وطاب خاطرها ولا كانه شي !
وانا أصلاً كنت قايلهم إني ما راح أحدد موعد زواج إلين تتضح الأمور وتلتزم بالاشياء اللي قلت لها
إنه مو عاجبتني لا في التصرفات ولا في العادات ....
وربك يكتب اللي فيه الخير
__________________
رَبِّ هَبْ لِي حُكْمًا وَأَلْحِقْنِي بِالصَّالِحِينَ(*)وَاجْعَلْ لِي لِسَانَ صِدْقٍ فِي الآَخِرِينَ(*)وَاجْعَلْنِي مِنْ وَرَثَةِ جَنَّةِ النَّعِيمِ(*)