غاليتي......
تبغين نصيحه من أخت .......اولا اتركي الحبوب هي اللي مسببه لك العصبيه ....استخدمي مانع
طبيعي ....وبعدين عصبتي وضربتي بنتك قوليلي ايش حصلتي تكبر بنتك وتكرهك ....
كنت اول زيك مشيه بنتي على الصراط المستقيم صحيح اني اللحين مرتاحه البنت ماشيه صح
بس الله عاقبني جاني ولد فوضوي 24 ساعه يصيح مايسكت دايم اقول انا استاهل ربي عاقابني
اذا نويتي تضربينها تعوذي من ابليس بصوت عالي تخيلي لو ضربتيها ممكن تضربينها مع مكان خطر
وتموت .....العصبيه ايش راح تستفيدين منها انتي اللي محترقه وابو الشباب مبرد والله اني
كنت مثلك حارقه اعصابي وكل شي يوترني ودايم معصبه ومصدعه بالعكس طنشت ارتب بيتي بهدوء
انظف اول بأول خلاص ارتحت .....تقولين اهلك عصبيين خليهم يحترقون وبعدين خواتك يتزوجن ويتكيفون
على طبع ازواجهم واخوانك كذلك روقي وطنشي ....خليك صديقه لبنتك والله ثم والله ماراح ينفعك الا
الله ثم بنتك وزوجك بالعكس ضميها العبي معها ....والله الحين استحي اضرب بنتي مع انها لسى
داخله 8 سنوات ماأقولك اني ماأضربها اترك الضرب آخر حل ........
اكثري من الاستغفار والتسبيح والتهليل ......طهري قلبك من الحقد والحسد ....خصصي لنفسك ساعه
استرخاء بجو هادي ....اذاعة القرآن لاتنطفي من بيتك ......
زوجك ...بنتك ......اغلى ماعندك لاتضيعينهم على امور تافهه .......
تقبلي قسوتي ولكن مريت بنفس اللي مريتي فيه ومن ندمي ماابغاك تتمادين بالموضوع ......
__________________
حققت حلمي ...ولازلت انثى طموحه ....