اقتباس:
المشاركة الأصلية كتبت بواسطة أم إياس
أخي
تصرفات زوجتك غريبه .. صحيح .. ولكنها متوقعه من حالتها الإجتماعيه
صدقني.. زوجتك لينه هينه..ولكن بقربها منك انت فقط..
عدم مبادلتك الحب والإحترام مع انه في بداية زواجها.. امرغريب..لكن صدقني..من كلامك عن طبيعة اهلها
انهم مايقعدون بالبيت و24 ساعه طالعين ومناسبات ..البنت لاهيه بدنياها ..وماحست يوم انها تحتاج رجل
عشان كذا تصرفاتها معك بالامبالاة.. البنت اذا مافضت وقعدت لحالها وقامت تفكر بمستقبلها ترى ماتهتم
بس صدقني ..خير بيكون بعد الزواج..
والله يعينك ويوفقك..ويكتب لك الخير ويصلح لك زوجتك
|
أم إياس ...
المعذرة تجاوزت ردك بالخطأ ورديت على اللي بعدك قبل ما ارد عليكِ .
وبخصوص تعقيبك ...
فلا أخفيك يأني خلاص صرت متخوف من زواجي منها ولا عادني مرتاح بسبب اللي شفته منها
وصدقيني انا ما الومها هي وغيرها من البنات اللي زي كذا ، بقدر ما الوم الأهالي على ترك الأمور تصل
لهذا الحد ، فترك البنت في مثل هذا الزمن وطول هالسنين بدون تأهيل وتعليم هو مسؤولية الأهالي...
لأنه صعب إنها تتقبل وتتعلم كل شي في اللحظات الأخيرة ، الأمر الذي سينعكس على حياتها وحياة زوجها
وبيتسبب في كثير من المشاكل والعقبات في حياة عملية كالحياة الزوجية !
هذي بكرة بتجي عندي في مدينة ثانية وبعيد عن أهلها ولك أن تتخيلي الوضع كيف بيكون مع وحده
تعودت على الدلال وعلى عدم الإحساس بالمسؤولية ....
(
تخيلي طفلة مغتربة ) ومع إنسان غريب وجديد في حياتها سيكون
دائما محتاج لوجودها معه وبجانبه ! كيف ستتقبل الأمر وتتأقلم معه وهي في هالحال ؟!
والله إنه أمر محزن وقلبي يتقطع وانا أتخيلها في هالموقف رحمة بها ....
ولكن ارجع واقول يا ولد لا تنساق ورا العواطف والموضوع مو بسيط ، إنفصال الآن أفضل من انفصال بعدين .
وربي احترت وتعبت من التفكير ولاني عارف وش أسوي ، أرحم حالها وصغر سنها وأرجع أتذكر معاناتي معها
وأخاف من أي ردة فعل لو وصلت حدي يوم من الأيام معها وحنا متزوجين ممكن تأثر على عشرتنا
عشان لا أخسر صورتي الحلوة وصورة أهلي في عيون أهلها وقبل كل شي مخافتي لله سبحانه ... !
تربت على اشياء وتعودت عليها مع أهلها انا ماني متقبلها ولا متربي عليها كتسيمة الاشياء بغير مسمياتها
اللي عرفناها في مجتمعاتنا ( كطريقة نداء الجدة أو العمة أو حتى الخادمة ) وغيرها من الاشياء اللي
صعب تغييرها إن لم يكن مستحيل ....
ــــــــــــــــــــــــ
لا إله الا الله ....
اذن الفجر بقوم أصلي وانام شوي قبل الدوام
تصبحون على خير
__________________
رَبِّ هَبْ لِي حُكْمًا وَأَلْحِقْنِي بِالصَّالِحِينَ(*)وَاجْعَلْ لِي لِسَانَ صِدْقٍ فِي الآَخِرِينَ(*)وَاجْعَلْنِي مِنْ وَرَثَةِ جَنَّةِ النَّعِيمِ(*)