حياك الله الوردة زينب
يا غلاي انتي .. انتي الان تشتكتين من : الشك بزوجك الي
ما قدرتي تتخلصين منه رغم ثبوت توبته واستقامته قدامك كذا مرة ..
اذا انتي فعلا تبين تتخلصين من هالشك .. طبقي الحلول
استعيني بالله اولا بالذكر والدعاء الصادق انه يعينك على الطاعة
ويرزقك شكر النعمة .. مهما كانت المشاكل بسيطة .. ببعدك عن الله
تطلع بعينك غاااااااااااية في التعقيد ..
ثاني شي .. هوني الامور وسهليها على نفسك .. زوجك غلط
ولكنه تراجع عن غلطه عكس كثير من الزواج الي يغلطون اغلط اكبر
وابشع من غلطة زوجك ولا زالو مستمرين عليها .. معناه زوجك انسان
قابل يصحح خطاه .. اعتبري نفسك محظوظة فيه حبيبتي
ساعديه من جهتك انه يستمر على هالشي الايجابي
بانك ما تجيبين له سيرة الماضي ابدا وبانك انتي اصلا تشغلين
وقتك ووقته باشياء ايجابية (زي زيارة الاقارب - نشاط خيري
للايتام مثلا تمرون الدار ومعكم العاب وهدايا لهم .. واذا قدرتو
تاخذون الطفل تمشونه وتفرحونه يكون احسن - تشوفون برنامج
حواري بالتلفزيون وتتناقشون فيه - كل ما طلعتو مع بعض
تاخذون ام زوجك معكم عشان تنبسط - او حتى تلعبون بلي
ستيشن 
بعدكم صغار عادي >> مهب صاحية هههههه )
بالمختصر كل ما زادت مساحة المشاركة بين الزوجين بالاشياء
الايجابية كل ما قربو معنويا لبعض اكثر .. ومن جهة زوجك بيصير
يداريك اكثر ويحتويك اكثر ..
وبعد يكون في اشياء خاصة فيك انتي تسوينها بدون زوجك
عشان تدعم ثقتك بنفسك وتشغلك عنه شوي زي انك تقرين
كتب عن التعامل الايجابي مع شريك الحياة .. وتقرين مشاكل
زوجية ثانية عشان تحسين من خلالها بالايجابيات الموجودة
بزوجك .. وبنفس الوقت تنمي مهارتك بايجاد الحلول ..
ترى من الذكاء نستغل مشاكل الغير عشان نحرك عقولنا تعطي حلول
ارجع اقول لك قبل لا تنفذين الاشياء الي فوق كلها
استعيني بالله .. لا حول للعبد ولا قوة له الا بالله ..
فبدون توفيق ربي وعونه ما نوصل لشي مهما طبقنا من حلول
على فكرة .. يا حلو لهجتكم صراحة مرررررررررررة حللووووة
يا عل تحلا ايامك ولياليك حبيبتي الوردة .. الله يسعدك وييسر لك امورك
يالغلا
__________________
شتان .. بين من تسيره مبادئه ، ومن تسيره مصالحه