عدنااا

شوفي ياقمر ...


بالنسبة للموضوع الاول ... برايي خذي اللولب

احسن بكثير من الحبوب

1* مايلعب بهرموناتك حت لو طولتي عليه
2* مضمون اذا ركب كويس
3* ماعاد تقعدي تهمي اخذت الدوا ء و لا نسيت و لا لا
4* ان شاء الله يناسبك دام دورتك قصيرة بس بتزيد شوي ايام الدورة يعني بدل 4 بتصر 8 مثلا
5* ما يجيب لك كآبة و ضيق زي الحبوب
كثير من صديقاتي ركبوه و مرتاحين عليه جدا ... و كذب اللي يقول لازم ترتاحي و مادري ايش .. تعيشي حيااتك عادي جدا .. بس لا تشيلي اشياء ثقيلة جدا بس

انا جربت الحبوب الخفيفة في منها ناسبني و منها تعبني جدا

و كنت ناوية اركب لولب قبل شهرين بس للاسف ما عطوني موعد و اضظريت اسافر لزوجي بدون ما اركبه

المهم بالنسة للموضوع الثاني

طبعا عندك 3 اختيارات

اما انك توقفي العزل الحين و متى ماراد ربك الحمل يصير... صح راح يكون عندك
امتحانات و احتمال تجيك الولادة عل اخر السنة .. بس من ناحية ثانية ممكن يأجلو لك الامتحانات و تعمليها بالصيف بعد ما تخلصي النفاس (( هذا صار لي . ولدت عل موعد تسليم الابحاث و الامتحانات .. و الحمدلله ساعدوني و اجالوا لي كم امتحان و حت مواعيد تسليم الابحاث كمان )) و ساعتها ممكن حد من اهلك او اهل زوجك يجي و يساعدك لغاية ما تكملي امتحاناتك و تتمي السنة عل خير باذن الله
الحلو بهذا الاختيار انه اول سنه عادة بتكون سهله ... و مافيها ضغز كثير عشان كدا
تستغلي الفرصة و تحملي ..

الاختيار الثاني .. تستني لغاية ما تكملي الجامعة .. بس صراحة صعب تقعدي 5 سنوات بدون حمل ...


الاختيار الثالث وهذا اللي اؤؤيده
انك مثلا تاجلي الحمل سنة او اكثر و بعدين تحملي
بحيث اولا تضمني مكانك بالجامعة عشان لاتروح شهادتك ... ثانيا بتكوني مستعدة نفسيا لطفل جديد و تعبه ...
ثالثا يكون ابنك كبر شوي و صار يعتمد عل حاله و بالتالي لما تحملي ان شاء الله ماراح تتعبي كثير معاه و ممكن حت تكوني تخليه يروح بيت جده يبات مثلا وقت ما تكوني مضغوطة .. ماراح تخافي عليه كثير مثل الان (( عمره بيكون 4 سنوات ))

ممكن حتى تدخليه حضانه بهذا العمر منها يتعلم اشياء مفيدة و منها يقابل اطفال من سنه و يكون صداقات و منه الصبح لما يكون بحضانه يكون عندك و قت للصغير و للدراستك ..

صح دراسة و ابحاث و طفلين متعبة .. بس اذا عندك ارادة بتسويها .. ولازم كمان تعاون زوجك

عندي صديقة بنتها كان عمرها 3 سنموات و حملت بالثانية و هي سنة اولى

وماعندها لا اهل زوجها و لا اهلها و نظام محاضرات كمان ...

حطت بنتها الكبيرة بحضانه الصبح و الصغيرة تخليها مع زوجها و تروح محاضراتها الصبح

و الغدا تطبخه من الليل .. و لما ترجع زوجها يروح دوامه و هي تقعد تدرس و

بنتها الصغيرة تلاعبها الكبيرة .. و مشت الحياة و الحين اتخرجت ماشاء الله عليها

فا انتي على الاقل بالبيت يعني ما انتي مضطرةة تروحي الجامعة و تخافي وين تتركي الصغيرة ...

فا رايي حبيبتي انك تأجلي موضوع الحمل سنة او حتى سنتين
و راح تقدري تنظمي حياتك خاصة و انه اهل زوجك قريب منك عل ما اعتقد فاراح يساعدوك باذن الله و نظام الدراسة من البيت احسن ما تهمي محاضرات و لا سيمنرات
الله يوفقك يا عسل و اي اسئلة حااضرين

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله