عليكم الســــلام ورحمة الله وبركاته
الله يتمم عليك أفراحك ياخوي ,, ويجمعكم زوجين في جناته اللهم آميـن
أقترح عليك هالمجموعة .. أو إختر أحدها /
1- زوج عصافير الحب أو بلابل .. ولما تشتري القفص وده لمحل تنسيق أزهار وورد وخلهم يزينونه بالزينة والشرايط .
2-كتاب المرأة البحر والرجل المحيط (أزرق اللون).. ممتاز ممتاز ممتاز ممتاز ممتاز للمقبلين على الزواج .. للكاتب عبد الله الداوود
رح تستفيد منه كثيـــــــــر عروستك ..وأنت أيضاً .. وستلاحظ التغيير .
3-كتيب أذكار وأدعية يومية صغير مثل المصفى المختار .. وفيه كتيب أسمه 1000 ألف سنة وسنة عن الرسول عليه الصلاة والسلام .. وأيضاً 1000 جواب للمرأة .. و1000 دعوة في اليوم والليلة .. و1000 حسنة وحسنة .. كلها للشيخ خالد الحسينان ... إختر اللي يعجبك كلها طيبة .
4-إشتر حاجة تقدرون تحطونها بعدين في شقتكم .. وأرفق معاها رسالة حب وود وأطلب من عروستك في نهاية الرسالة أنها تحتفظ فيه وانك تتمنى تشوفها حاطته في الشقة ... وعندك خيارات كثيرة .. وهالشي رح يحسسها بشعور جميل تجاهك وأنك تطمح بااللحظة اللي تجتمعون فيها سوا ببيت واحد .
5-تعرف محلات زهور الريف ونكتار وأمثالها .. يبيعون سلة جاهزة مزينة فيها عطر وكريم وصابون وجل استحمام وشموع وبخاخ .. إختر رائحة حلوة مثلاً كرز أو تفاح أخضر أو ياسمين أو ورد .. هالهدية حليوة وكل مااستخدمتها تتذكرك .
أتمنى أخوي تستفيد وربي يوفقك .. دعواتك الطيبة الله يجزيك خير .