آنا مستغربة ليش زوجج معترض إنج تجوفين سبيس تون !
يمكن لأن آنا وزوجي مدمنين افلام كرتونية ! وعندنا سيديات اشكثر !!
بس يمكن أنتي تبالغين شوووي وتحطين عالكرتون وقت وجوده معاج
وخلاص خذته الغيره يبي يقعد معاج وانتي مندمجة مع سبيس تون 
وإلا يمكن يبي يحس إنج كبرتي شوي ولازم تطالعين برامج نقاش وحوار وأخبار !
حاولي وقت وجوده تجوفين برامج جادة ... ووقت روحته للعمل طالعي سبيس تون على راحتج حبيبي
وآآنا بعد مثلح حافظة اناشيد سبيس تووون ,, عاد القديمة مادري اذا تجددت او لا 
لأن صار زمان ما تابعتها ! 
(ما أجمل الشجرة.. خضراء مزدهرة .. بثمارها جادت , ما اجمل الشجرررة )
المهم بس حاولي تخففين على سبيس تون في وجود سي السيد على قولتج ^.^
وبالنسبة لطبخ ... ماعليه بس حسسيه إنج تحاولين تتعلمين
وعطيه كلمات خليه يتفائل إنج راح تعرفين .. يعني قولي له اييي اليوم سألت امي شلون يسسون صالونة
واليوم تابعت برنامج طبخ وعرفت شلون اسوي معكرونياا ...
بما إن الطبخ من اهتمامات زوجج .... حاولي تسايرينه ولو حتى انتي ما تبين تتعلمين 
لأن اعتقد من حقوق الزوج إن زوجته عالأقل تعرف تطبخ له ... حتى لو كنتوا معتمدين بالوجبات على الأكل تحت
ما فيها شيء لو تعلمتي .. حبة حبة ... وتصيرين شيفه إن شاء الله هههه
يلا ننطرج في قسم المطبخ قريبا ً إن شاء الله وعندج مهلة من الحين ل رمضان ! 
بس حبيت اقولج ... هدأي اعصابج وشوي وشووي حسيتح معصبة وعروقج بتتطفر وانتي تكتبين الموضوع
بالعكس زوجج يحبج .. لا ويموت عليج اصلا ً
عشان جذي ينصجج يبيج تكونين أحسن وحدة والكل يشوفج بعين الرضا والكل يمدحج
عشان ترفعين راسه ... وترضين غروره
وما يمنع ابدا ً إنج تكلمينه في وقت مناسب تكونين قاعدين مع بعض وقولي له كل الي بقلبح عشان هو بعد يفتح قلبه لج
وخبريه إن طريقتك بالكلام او بالنصح ياريت لو تكون أحلى و... الخ
ووبسس *.^
__________________
حموودي وأبو حمودي
الله يخليكم لي
شمعة تنور لي حياتي
ووردة تعطر لي دنيتي
احبكم 3>
التعديل الأخير تم بواسطة منت عاجبني ; 13-06-2010 الساعة 01:59 PM