والله حبيبتي اللي يقلك كدا سوي معاه نفس الحركة

انا خالتي من يوم ما ولدت الين دحين وعمر ولدي سار سنة ونص ما تشوفه الا تقلي وحش وشبه اهل ابوه
مع انو اهل ابوه مو وحشين عاديين بس سمر شوية وانا بيضا وولدي طلع نص نص لونه مرة فاتح مو ابيض ولا اسمر
يعني ماخد مني اشياء وماخد من ابوه اشياء يعني مو مزعل احد وبالعكس كل من شافه قلي زي القمر ويشبهلك وحتى اهل جوزي مبسوطين انو طالعلنا
بس خالتي دي مستقصدتني .. مادري على ايش مع انو بزورتها كلهم مو حلوين عاديين ( ما ابى اقول وحشين لانو هادي خلقة ربنا ) وعندها بنتين وحدة منهم سمرة ومو حلوة بالعربي وهيا ما شالله عليها خالتي زي القمر وبيضا لكن ولا احد منهم طلعلها
بس لا تحسبيني سكتلها : بناتها دحين وحدة خلفت والتانية على وشك خليت ماما تستلمها نفس الحركة اللي سوتها معايا (بما انوا هيا اللي اتفلسفت خليت اختها تردلها هيا )
ولسة بنتها السمرا ماولدت مع انو جوزها ابيض بس مو حلو
هيا حسيتها ماخدة موقف من اهل جوزي تقوم تقول كدا
عموما في مثل يقول القرد فعين امه غزال
واي احد يقلك وحشة بعد كدا لا تسكتيله .. يا انك تردي عليه بادب وتسكتيه ، وازا ما نفع اقلبي عالوش التاني
صدقيني انا مجربة دا الشي ، بعض الناس ما ينفع معاهم الادب

__________________