أهلين أخت مهرة

كل اللي قلتيه هو اللي كنت مرتب له ، ولكن بدأت المطالبات من الوالدة إني أرجع وادق عليها

ولو ما ردت أدق على أهلها أو على البيت واطلبها بس ماني مؤيد للشي هذا

وطلبت من الوالده إنها تدق على الأهل بنفسها وتستفسر عن سر هالجفوة اللي حاصلة

وتقولهم إني انا رايح لهم يوم الإثنين ولكن لم توافقني الرأي ، وسكتنا عند هذا الحد .

المشكلة إن الأهل وقت الخطبة والملكة ما خلوا شي ما سووه

عشا ودعوات ناس وحفل وتصوير وشنة ورنة لا قبلها ولا بعدها بس البنت أبدأً ماني حاس بتفاعلها

مع كل هذا ، لا أشعر بتلك الفرحة الكبيرة أو هو كذا طبعها هادية وباردة ، ولا ما ودها وخايفة من أهلها

ألف احتمال واحتمال حطيته ، حتى السيء من هذه الإحتمالات حطيته إنه يمكن تكون جايتها عين

أو شافت شي فيني عكس ما وصفوه لها ماني عارف وربي !

__________________