صباح الخير ...........طبعا مابدي اخوفك ولا اهول المشكله في نظرك رغم تشعب فروعها....اختي انا انصحك اتبعي مبدا كبرها تكبر صغرها بتصغر..مو استهتار بحجم المشكله بس تهونيها عشان تقدري تلمسي كل طرف في الموضوع
انتي الان عندك مشكلتين
1_اختك المراهقه وتصرفاتها
2_اختك المراهقخ وعلاقتك بيها
....اولا انا اشوف حبيبتي انك ترجعي تتوددي لها انا عندي اخت نفس عمر اختك ونفس اللي تحكيه بالتفصيل والله ودا طبيعي لانها الان تشوف انها كبرت وناضجه ومن حقها تقرر تطلب اي شي ويلبى وغير كدا قريناتها في المدرسه اكيد يتباهو بالاشياء اللي يسووها من علاقات اعجاب وعلاقات شباب الله يحمينا ويهدينا جميعا
اللي تسويه انك اذكريلها قصص باستمرار من اثار دي الاشياء في الدنيا قبل الاخره يعني فهميها قصص الاعجاب ايش نهايتها وان البنات اللي يقيمو دي العلاقات غير سويات وعكس الفطره مع انها عارفه زي ما اتفضلتي بس انتي ركزززززززي ع الموضوع وفهميها علاقات الشباب ايش مضارها وان دا كلو حراااااااااام قبل يكون عيب
يعني خلاصه الكلام...ناقشي الموضوع من ناحيه الشرع وحرمانيه الموضوع وعقاب الله للفئتين
وغير كدا تصرفها من بنت خالتك اشوفو طبيعي لانها صحبتها وفي سنها اكيد يقتنعو بنفس التصرفات عشان كدا زي ماقلتلك شايفه نفسها كبرت ومستقله و ماتباكي تشوفي اسرارها لكن موضوع الاب توب اشوفو بدري خليها ع الاقل توصل للثانوي ومالو داعي طالما عندها كمبيوتر مكتبي
...........الجانب الاخر من الموضوع وهو علاقتكم في بعض
خصوصا انكم رجعتو عايشين مع بعض وهي اتعودت على انفصالك عنها لمدة سنتين ودي السنتين من اهم سنتين لانها كانت في مرحله انتقاليه من الطفوله الى انها سارت آنسه ماشاء الله وتبى تستقل تجي فجاه ترجعي معااها وتراقبيها كمان^_^ اكيد راح تتفاجا بهدا الشي....خليكي لطيفه معاها وحسسيها ع طول انها كبيره ومحل ثقه وانك تحترميها للانها كبرت وناقشيها في اشي يخصك عشان تحس بنوع من الامان لانك شاركتيها حياتك
دا اللي قدرت انصحك بيه ويارب ماكون قصرت واكون اديتك شي مفيد حبيبتي....بس فعلا المراهقات يجيبو القرينه
الله يعينك ع اللي عندك ويعينني ع اللي عندي ^_^