منتدى عالم الأسرة والمجتمع - عرض مشاركة واحدة

05-06-2010, 07:31 PM

#50

الورده زينب

موقوف

تاريخ التسجيل: Jun 2010

المشاركات: 379

السلام عليكم ،

آآنه باقولج شي طال عمرج ..

\

أولاً : مثلا ما قالت وحده من الأخوات " اكرهه ـ ما ابيه - يارب يموت - ماني طايقته "

شيلي هالكلمات من القاموس ، اقنعي نفسج بأشياء ثانية ..

لأن الانسان " اذا اقنع نفسه بِ شي " يصير فعلاً

اعطيج تجربة عملية ؟

حطي كفوفج على بعض جنج بتصفقين

بتلاحظين ان وحده من اصابع يدج بتكون اطول من الاصبع في اليد الثانية

انتي اخذ الاصبع الاقصر وحطيه جدام عينج وقولي بصوت شوي عالي " اطووول - اطول - اطول "

وخلج مقتنعه انه بيطول ..

ارجعي حطي يدينج على بعض .. بتشوفين ان الاصبع صار بطول اللي امقابله

مع إن في الحقيقة واحد منهم اقصر من الثاني

بس لأنج مقتنعه شفتي اللي مقتنعه به

" العين لا ترى إلا ما نريد أن نراه "

|

ثانياً : عدم التكافؤ من ناحية العلمية تخلي بينكم فروقات ..

واللي قال عنج مغرورة هالشي مو غرور بشهادتج

ولكنها حقيقة واقعية " غالباً " الشخص " الجامعي "

[ اوسع أفقاً ] من غير الاقل

فَ ما بالج ماجستير وثانوي ؟

عشان جذي آنه ما احب الفروق التعليمية خصوصا بين الزوجين

ثالثاً : جلسة صراحه اتفيدج وتفيده ..

تعدلي وقعدي وياه ... قوليله " شتشوف فيني ؟؟

شرايك فيني ؟

اشلون تشوفني ؟

شنهي عيوبي ؟

شالاشياء اللي اتحب ألبسها اذا يتني البيت ؟ "

اذا شفتينه تجاوب او ما تجاوب ..

قوليله هالحجي : " انت انسان طيب ووو إلخ < امدحيه يعني

وأي وحده تتمناك ، وآنه ماخذتك إلا لأني ارتحت لك

آنه في بيت هلي كل شي متوفر لي

بس ارتبطت فيك ، لأن عندك شي تعطيني اياه محد غيرك يقدر يعطيني اياه لأنك ريلي

آنه وأي بنت ... تبي شخص يوريها حبه

آنه ما اقولك قول لي كلام حلو عشان تحفظ لك كلمتين اتيي اتقولهم لي

وبعدها تسألني " جذي مستانسة ؟ "

آنه ابي الشي اللي اتحس فيه اتجاهي ؟

ابيك اتعبرلي عن مشاعرك لأني احتاجها ..

ووإذا انت منت مرتاح لي

او آنه ما استاهل منك الحجي الحلو " مثل ما دشينا بالمعروف نطلع بالمعروف " .. "

|

ثالثاً : انتي هم صبري عليه ... ومثل ما قال واحد من الاخوان هني ..

حلات الشي ايي بعد تعب ، صدقيني هذي مو اكبر مشكلة بتواجهينها

ياما وياما بتمر عليج مشاكل ..

والواحد اذا ما صبر صدقيني مابتقدرين اتواصلين ويه اي ريال

آنه ريلي صبر على غيرتي وعلى عصبيتي ووو إلخ والحين آنه خفيت وايد عن قبل

وآنه صبرت هم على اشياء في ريلي والحمدلله صار احسن واحسن ..

وهم الحياة جدامنا ولازلنا نكتشف اشياء مو حلوة في كل واحد فينا

بس لأن بينا حب ومودة واحترام فَ كل شي قاعد يصير مثل ما نبي

حتى لو بعددد تعب !

ساعات اقوله طلقني وريحني وارتاح

وساعات يقول لي شرايج ننفصل كل واحد يرتاح من الثاني

ووقت الي تهدأ اعصابنا نتندم على هالكلمة

لا تخلين نقطه سوده تعمي عينج عن صفحة البياض

صح إن فترة الخطوبة فترة رومنسية ووو إلخ بس انتي هم صبري والله ما يضيع اجر صابر

-) الريال مثل الياهل بسياسة وبحكمة تاخذين اللي تبينه

اسأليني آآآآآآآآآآآآآآآآآآنه

الله يهدي سركم