يعني انت و الزمن عليا ياmzeitoun،

المشكله انو انت مارر بنفس مشكلتي .. و كمان .. كررتها أكثر من مره .. (انا انسان عندي هذا الذي تحتاجينه الآن بالضبط! ) .. هههههه .. عجبتني الهرجه !

المهم، شويه شويه علي .. يالطيف منكم انتو الرجال .. هههههه .. اهل الصحاري و الاحجار و الصخور ... ياليت في بلدنا انهار يمكن كنتو لينتو معانا اكثر ..

Anooooosha.
شوفي حبيبتي أنا أول ما انخطبت والله ما طرت هالاشياء على بالي .. بس بروده بدأ يثير عندي الشكوك .. و لما اسمع من غيري و اقارن الاقي فرق كبير بين طريقة تعامله معاي و قصص غيري (لاحد يقلي لا تقارني .. الكلام تسمعيه من كل مكان و انا بشر) المهم .. هوا اللي اثار بذرة الشك عندي .. و الا انا خجوله زيي زي اي بنت و باخد وقتي .. بس مره .. زيرو ... و لا يعبر لا بالكلام و لا بالنظرات و لا شي .. ايش افسرو هذا ؟!
يعني مثلا، لما يجي يزورنا .. طبعا انا داخله خارجه اضيفه و كذا .. انا يخطر على بالي انو بيلاحقني بنظراته اي شي .. و الله التفت القاه مسرح و الا يطالع بالستاره .. طيب ما دام النظر مسموح .. طالع ياخي !!
المهم، أنا يا عزيزتي ما انظر للحياة الزوجية على إنها جنس و بس .. لكن أنا أجزم أن الجنس جزء أساسي و كبير من الحياة الزوجية و أنا لما أقول جنس ما اقصد (في السرير) !!
أصلا العمليه الجنسيه تتم قبل السرير بمراحل و السرير هو مجرد تتويج لهذه المشاعر .. بمعني: النظرات، الكلام الحلو، التشويق، اللمسات، النقاش، التلميح .. كلو دا أسااااسي جدا جدا جدا ..
المرأة الكلام دا يحسسها بأنوثتها .. بعدين كيف باحبه اذا مافي ذا الكلام بيننا .. و الله الكلام عن الجو و العمل و اهله ما بيوصلنا لمكان ،،، هوا دا الكلام و الحركات (الماصخه) .. هههه .. هيا اللي تدوب البنت و تخليها لعبه .. ايش لعبه .. شخشيخه في يد الرجال ... انا نفسي احبه .. بس هوا نا بيحببني فيه .. ابدا !
و لنفترض إنو أنا إنسانه تهتم بهذه الناحية كثير و هذا مو عيب .. الشخص البارد بتكون الحياة معاه جحيم و لا راح تستمر .. العيب مو فيا و لا فيه .. العيب انو احنا ما نناسب بعض !!

و من ناحية إني في الاخر طلعت مغروره !! يمكن ما ادري .. بحاول اعالج هذه المشكله عندي .. و مستعده اعطيه عيوني و اكون له الام و الصديقه و الحبيبه و اللي يبغاه .. بس نتفق !

بس أهم شي

لاحد يطلع بطلعه دحين و يقلي اكيد انتي ما تهتمي بشكلك او انتي مو حلوه .. هههههههههه
من ناحية الاهتمام .. 100٪ و اكثر ..
من ناحية حلوه او مو حلوه ... مالكم دخل ... بس هذا اصلا حتى مو احتمال ينطرح ..

و اشكر الجميع من اعماق اعماق قلبي .. حتى اللي كانو ضدي .. فتحو عيوني على جوانب مختلفه .. حبيت النقاش معاكم كثير ... عمري ما اتخيلت نفسي ادخل مواقع متزوجين .. هههه ... بس اهو .. الدنيا و الظروف حدتنا ... بس والله عندكم جوكم ... دا القفص الذهبي .. طلع مصيبه !!!!!