مهوب انا الي اريد حصر .. هم الي حصرو اعتراضهم
على فكرة : الزوجة الثانية + العطاء بدون مقابل

زين ؟؟ وترى بس سيدرا الي اعترضت على فكرة التحميم وخلع
الملابس .. هل كونها اعترضت على جزئية معينة باستقبال الزوج
= اعتراضها على كل الجزئيات الخاصة بالاستقبال ؟؟؟!!!!

لا طبعا ... اذا انتي تشوفين انها عادية فكرة انك اول ما يدخل زوجك
البيت تاخذين شماغه ولا غترته وتفصخين وانتي بكرامة جزمته وشرابه
وتمسكينه من يده تودينه الغرفة تشيلين ملابسه وتدخلينه الحمام
وتحممينه وتلبسينه ملابسه ثم تطلعينه وتقعدينه على السفرة
وتوكلينه بيدك ثم تودينه للغرفة وتنومينه على قصة سندريلا ..

فعلا راحتك انا ما راح اقول لك غلط هالشي ... انما غيرك
ما يقدرون على هالشي وما يحق لك لا انتي ولا غيرك
تنتقدينهم .. لان لهم اسبابهم .. وبما اني منهم بقول لك اسبابي ..

ما اقدر اسوي الي انتي مستعدة تسوينه .. لان بكل بساطة
زوجي بنفسه يقدر يشيل ملابسه ويحطها بسلة الغسيل
ويروح يتحمم ويلبس ملابس البيت ويجي لي يلقاني مجهزة السفرة
وناكل ونعين من الله خير !! بعدين يروح للغرفة الي انا مرتبتها ومعطرتها
وينام .. ! وثاني سبب .. انا ايضا انسانة مسؤولة عن بيت واطفال
واحتاج راحة ..

بما انه يقدر يسوي هالاشياء .. ليش يرميها علي ؟؟
لا تقولين لي طاعة ما طاعة .. حق الرجل بالطاعة ما يعطيه ابدا
الحق بانه يرمي مسؤوليته الشخصية عن نفسه واموره الخاصة
على زوجته زيادة على مسؤولياتها .. الزوجة تتزوج انسان يعينها
على انها تادي مسؤوليته ناحيته وناحية عياله .. مو واحد يزيدها
مسؤوليات !!!!!!!!!!!!!!!!!!!!!!!!!!


ترى الفكرة بحد ذاتها حلوة اني اجهز حمام لزوجي
واحممه واسوي له مساج وعطور وزيوت وحركات .. تنفع بين
كل فترة وفترة اجدد فيها الروتين اتودد فيها لزوجي او مثلا
اراضي فيها زوجي لو صار بيننا خناقة .. لكن انها تكون روتين
يومي من ضمن واجباتي !!!! مهو منطق

واذا تشوفين انه من حق الرجل يتزوج على زوجته الي تستقبله
بالوجه الحلو والطبخ الحلو .. بس عشانها ماشالت ملابسه ولا حممته
فماني قايلة شي صراحة اللبيب بالاشارة يفهم

لكن احب اذكرك انه مثل ما الرجل ما يتشجع على المصارحة
لما تكون زوجته تهاجمه بطريقة منفرة ولا تتحمل انتقاده .. فايضا
الزوجة ما راح تتشجع حتى تستقبل زوجها استقبال حلو ولا تتشجع
تسوي اي ايجابي عشانه اذا كان يحاسبها على اتفه صور التقصير
ويهددها بالزوجة الثانية ..

تقولين : فمن الأولى بها أن لاتعترض عندما يأتي الرجل على ذكر الزوجة الثانية التي ستقبل بطلبه ذاك وترحب بفعله


اقول لك ممكن الثانية ترحب بالشي الي
رفضته الاولى .. وومكن ايضا ترفض الشي
الي الاولى ترحب فيه .. الثانية بيكون فيها
عيوب زيها زي الاولى مافي بشر كامل
والرجل بيشوف هالعيوب ..وش بيسوي ؟
بيتزوج الثالثة !!


شغلة ثانية .. تقولين لهانديا
طاعة الزوجة لزوجها مافيها عبودية لها
اقول لك صح .. ولكن اساءة الرجل لاستخدام
هالحق عشان يعامل زوجته كما لو انها
ما عندها بالحياة شغل غيره .. ويتجاهل
حجم مسؤولياتها الثانية الي تحتاج من يعينها
عليها .. هذا الخطا والاستعباد بعينه وعلمه


انتهينا من هالجزئية .. خلني احكي لك الحين
عن العطاء .. عطاء الام والعطاء بدون مقابل



اولا : مهما كان عطاء الزوجة لزوجها قوي
ما يوصل ابدا لعطاء الام .. لسبب بسيط :

غريزة الامومة هي الي تدفع الام للعطاء اللامحدود
هالغريزة غير موجودة عند الزوجة

للزوجة احتياجات لازم تشبع عشان تقدر تواصل
عطاءها .. وهالاحتياجات غير موجودة عند الام


ثانيا : العطاء بدون مقابل .. خل نشوف وش المقابل
الي تطلبه الزوجة من زوجها مقابل واجباتها ناحيته
والي انا سالت عنه ابو زيد ولا جاوبني


المقابل الي تطلبه اي زوجه في الاحوال الطبيعية هو ان زوجها يحبها ويشبع عاطفتها ويحتوويها ويحسسها بالامان ويكفيها عن الناس كلهم من جميع النواحي .. هل هذا المقابل الي الزوجة مطالبة تتنازل عنه لما تعطي زوجها ؟؟؟


هذي الاشياء قبل تكون مقابل .. هي بالاصل احتياجات طبيعية .. وحقوق مكفولة بالاسلام .. كيف نطلب من الزوجة تتنازل عنها ؟؟؟ الرجل الي يطلب من زوجته تتنازل عن هالاشيا ء.. رجل اناني ولا يهمه الا راحته ومصلحته ..


واذا كان المقابل : هدايا تمشيات سفريات .. فايضا لو طلبت الزوجة هالاشياء من زوجها وهو يقدر عليها ؟؟ وين المشكلة ؟؟؟


اذا كان العطاء بدون مقابل يقصد فيه ان الزوجة تعطي زوجها بدافع حبها له وعشان تحس بالراحة لانها كان لها دور بسعادته .. انا اول المؤيدين لهالشي
ولا اتصور في احد معترض عليه (عدا بعض الزوجات الانانيات )



لكن .. اذا كان العطاء بدون مقابل يقصد فيه ان الزوجة تتنازل عن الي تحتاجه من زوجها ولاتطلب منه اي شي بحجة (العطاء بدون مقابل ) وترضى فقط بالي يقدمه زوجه من نفسه .. هذا اسمه استغلال

باي حق وباي شرع .. وباي منطق .. افرض على
الانسان الي قدامي انه يعطيني كل شي نفسي فيه ولا يطلب شي بالمقابل الا الي انا اعطيه بكيفي وبمزاجي .. ولله الحمد انا اعلى من هالمستوى ..





دمتي بود مشاعر

__________________
شتان .. بين من تسيره مبادئه ، ومن تسيره مصالحه