اختي نور الايمان،

اشكر لك ردك ،، من ناحية الفروقات الكبيره اللي بيننا كالفروقات التعليميه مثلا .. فانا مستعده اتحملها قلبا و قالبا .. لانو لو جلست انتظر الين يجيني صاحب الدكتوراه .. ما راح يجي .. الشباب عندنا للاسف اغلبهم ثانوي .. كل زميلاتي و قريباتي بلا استثناء جامعيات و ماخذين ثانوي .. و هذه المشكله لها حل ..

و لكن .. اذا غصت في شخصيته و عرفت طبايعه .. طيب و بعدين .. انا الى حد ما فاهمه شخصيته .. انسان ممل، بارد، غير طموح، كسول لابعد الحدود، ليس لديه صداقات، طيب جدا و ساذج جدا، مستعد يفعل اي شي من اجلي .. طيب ما فهمت هذا في ايش يفيدني .. كيف ادخل من خلاله و اصلح مفهومه عن كيفية معاملة النساء على الرغم من ان الجميع يجمع ان هذا شي بديهي و يحصل بين اي اثنين .. ليش انا حظي كدا ؟ انا اعلمه و افهمه ؟! يعني هوا ما يحس انو نفسو يقلي كلام حلو او نفسو يحضني ؟


طيب و اذا كان الخلل في تربيته .. كيف ممكن يتعالج هذا الامر ؟ اكيد راح اعيش حياتي كلها عذاب .. و كل ما اسمع كلمه حلوه من احد غيره تفتني .. و كل ما وحده قالت لي كيف خطيبها مجننها راح تتنكد عيشتي ..

من ناحية انو انا بدأت و بسته .. هذا بس عشان توضح لكم الصوره لاي درجه من الاحباط انا وصلت .. يعني انا كان عندي نس الفكره انو لازم انا ما ابدأ .. بس قلت يمكن خجلان .. خليني احسسو انو عادي ..

يا رب ساعدني و بصرني في اتخاذ القرار الصحيح ..
من الناحيه الثانيه اخاف انه يكون انسان طيب و كل الرجال كذا في البدايه و انا جالسه اتوهم .. و الله عجزت