ياخوي

شوف الحل برأيي :

1 - اهلها أكرموك الصراحة ،، و هذا الشئ حلو ..
2 - خالك كمان إنت ما تبغى تحرجه معاك ،، و ما تبغى إنك تنحط في موقف غلط ..
3 - علشان لا في يوم لا سمح الله تندم و تقول ليت و ماليت و ماحد يلومك ،، و فرضا في المستقبل أخدت وحدة تانية
فلا تجلس بيوم تقول ليتني جربت آخر محاولة و يجيك خالك أو أحد من أهلك و يقولك ليت و أخواتها ،

فإنت بري ذمتك و ريح راسك .. حتى لو مانت مقتنع .. يعني :

( خليك صريح مع أهلها ،، قول لهم ، راح أعمل اللي تبغوه و علشانكم مع إني مو مقتنع ..
و يمكن وقتها لا سمح الله إنت اللي راح ترفضها ؟؟؟؟؟؟ خليك صريح .. علشان لا يقولوا بعدين ،
اتفقنا و يوم راحت العين و البنت تبغاه .. هو ما حافظ على الإتفاق اللي بيننا .. )


طيب يا سيدي ، نحن ما نعرف المستقبل إيش يخبي لنا ..
و المثل يقول ، امشي وراء الكذاب لحد الباب .. فإنت أمشي معهم ، و اعمل اللي يبغوه بعد ما تتكلم بصراحة ..

و إذا راح تطلق خلاص ، فاضمن حقوقك كلهاااااااااااااااااااااااا .. لا تسمع لكلام أي شخص و لا تجامل أحد ..
حقوقك تحافظ عليها ..

نجي للمرحلة اللي بعدها ..
إذا قالولك ، البنت خلاص تبغاك و النفس راحت وووووووو إلخ .. وقتها مانت خسران شئ ..
لإنك في كلا الحالتين كنت راح تتركها خلاص ،، يمكن و الله أعلم وقتها قلبك يلين لها إذا هي رجعت لك ؟؟؟؟؟
أو إذا كل واحد في طريق ، فخلاص لا تنظر للخلف ..

( طبعا أنا أبدا ما أحب أسمع للكلام هذا ،، لإنه كثروا منها مرة الفترة الأخيرة ،، تشوف طفل صغير في الشارع و تبتسم له
ببراءة لإنه طفل ، و لا تعطيه حلاوة ،، و طاح و لا بكي ،، قالوا : وييييي عيييين ؟؟؟ جيبوا من أثرها ..
ياخي تبغى تمشي في الشارع و تغمض عيونك علشان ماحد يقول هات من أثرك ،،

العين حق و أنا أؤمن بالشئ هذا .. لكن مو كل أمورنا نعلقها بالعين ،، عالعموم إنت أمشي معهم للأخير )