بعد نصيحتكم أريد نصيحة أخرى
السلام عليكم و رحمة الله و بركاته
انا كنت كتبتب موضوع من كام يوم علي إني زعلت خطيبتي وخنقتها من غيرتي عليها و حضراتكم نصحتوني بالتخلي عن السلوك ده
والله علي قد ما أقدر بحاول أتمالك أعصابي
لكن اللي حصل اليوم ده انا مش قادر أقول فيه حاجة و كظمت غيظي ومشيت من عندها
الحمد لله أنا صالحتها لما كانت زعلانة لكن بعد عذاب بس الحمد لله
واتفقت معاها إنها لو زعلانة أو مضايقة تديني إشارة إني أتوقف عن كلامي الحاد و اتقفنا إننا نتعاتب بعد المشكلة بكام يوم عشان نبقى هاديين الأعصاب
أنا امبارح كنت عند بيت خطيبتي باخد من عندهم شيء ما المهم أنا جلست لمدة نص ساعة علي شرب الشاي جات الساعة 12 بليل وجالها تيلفون برقم غريب قالتلي رد المهم رديت لقيته واحد زميلها في الشغل قولتلها اتفضلي المهم ردت و قالت لأ مفيش حاجة سلام
ولما قولتلها خير قالتلي لا ده كان بيطمن علي مشكلة في الشغل
قولتلها مشكلة إيه مقولتليش أنا بكلمك من الصبح و محكتليش عن مشكلة ولا حاجة
المهم أنا حسيت من كلامها انها بتألف موضوع عشان تبرر المكالمة في الوقت ده
أنا عملت نفسي صدقت ومرضيتش أتكلم وشوية أخدت بعضي ومشيت ومش عارف أتصرف إزاي مع إني أخدت عهد علي نفسي إني متصرفش زي الأول في غيرتي القاتلة دي
ياريت تفيدوني