انصحك تتكلم مع شاب مطوع وثقيل ورزين يمون على اخوك ولا اخوك يحترمه وتقدر تعرفه بهذي الطريقه تجلس مع اخوك في مجلس تقوله فلان وش رايك بسئلك سؤال من اقربلك من هالمطاوعه الشباب من عيال عمكم عشان لو عرف يستركم لان العيبه فيكم انتم مو من برى عائلتكم ولا قبيلتكم الي ترتاح لهم وتحبهم وتحسهم مقربين الى قلبك ان قالك عنه قل ايه وسبعين الف نعم فيه حتى لو انك ماتحبه قالك خلاص هنه القرار الصعب وهو

انك تذهب وبكل رجوله الى الشخص الي امدحه اخوك من عيال عمك وتجيه في مجلسه تقوله فلان انا جايك بامر خطير وكبير وماجيتك الا انك ولد عم وتخاف الله تبتدي تفاتحه في الامر تقوله لي اخ صار معاه كيت وكيت وكيت والرجال من قرايبنا ومحتار وش يسوي وجيتك ادور له حل بحكم انك مطوع وتخاف ربك وتستر الاعراض وتعرف بالستر ان عطاك الحل الي يريحك تمام هنه تصارحه انك انت الشخص وتفهمه ايش الطريقه يا انه يوصلها لاخوك وانت لازم تطلع برى الديرررة كلها ماتجلس في البلد كلها انت بحكم المقصوص منه وتفهم ولد عمك انك رايح برى الديرة وتكلم امك وتتعذر منها وتقول يمه انا طالع اشتغل في مكان بعيد ولا تعلم احد منهم عن وجهتك ولالالالالالالالا انسان حتى ولد عمك ومن برى تتابع اخبار هلك وتكلمهم من شريحة سوى ماهي باسمك وكل وقت تغيرها عشان ما يكشفك اخوك اقلها سنه تمر بسلام هذا ري بحق هالمسكينه الي ظلمتها الله يسامحك ويعفو عنك