همس ياحبيبتي انتي

الله يكتب اجرك ويستر عليك ويصلح كل امرك

قرات كلامك اليوم الصبح وانا متأكده اني ما اكابر عليه بس على قولك يمكن هو هذا تفكيره الآن
كنت غايبة عشان تطعيمة الولد
وجتني فكره اكلمه يجي يوديني وكلمت اخوي ووافق وقال حاولي تحلين امرك لأني لو تدخلت مارح اسكت

كنت خايفه وترددت قبل لا اتصل
المهم كلمته وقال اجيك وطعمنا الولد وطول الطريق وهو يتغزل بالولد ويقول ادعي ربي يهدي امك ومن ذا الكلام
انا صابني برود وصرت ارد بتنكيت على كلامه
المهم يقول اغليك وماقدر ابعد عنك و و و <<<< (اسمع كلامك اصدقك @ اشوف امورك استعجب)
طول الطريق ومارضي يرجعني الا لما ياخذ مني كلمه
قال انا اعترف بتقصيري ووعد اعوضك كل اللي راح
قلتله التقصير وارد من اي بشر وانا مقصره معك بس تظل الكلمة الحلوة والحنان ستر وغطا لكل عيوبنا
وبدأت اعاتب سكتني قال ادري عن كل اللي بقلبك وادري انك شجرة طيبة تثمر كل طيب ومهما قذفوك بالحجار ترمين احلى الثمر
<< اختك في الله ضاعت علومها من كثر مايمدح
بس اعتذاره عجبني رغم اني ما احبه يعتذر يكفي يحس بحاجتي ويحترمني
تناقشنا على الامور المهمه
وقال يالله الليله امرك تجين البيت قلتله لي طلب قال امري
قلت خلينا نعالج امورنا برى بيتنا ورجعة البيت نأجلها شوي الين نرتب بعض الأمور واوعدك بدون تدخل اخواني
غصبن عني قلت كذا ولو خذلني ذي المرة من بيتي ع المحكمة بدون تردد
هو وعدني الحين وانا وعدته وبشوف

يالله نصايحكم احبتي اكيد حاسين بموقفي
كسرت كبريائي مع ان الزوجة ماتكابر على زوجها ورضخت للمره الرابعه وان شاء الله ربي يرفعني ويجبرني
انا خايفه هل تصرفي بعد كل هالشهور سليم او مجدي؟
ام ان العاطفة قادتني للانجراف وراء كلامه؟

الله لا يخيبني ويهديني ويهديه لخير القول والعمل