المشاركة الأصلية كتبت بواسطة yes no
موضوع جميل
اصعب البصمات الضربات اللي اتيي من اقرب الناس لنا
للاسف خبرتني اختي مره انه بنات عماتي "خوات ريلها" مع عمتي (اكبر عني بسنه) تكلموا عني بحضورها
قالن فيني كلام ابدن مو فيني ويالته هين ): الله يسامحهم بس
انصدمت وحز فخاطري بس ماسويت شي سكت
معاملتي معاهم ابدن ماتغيرت ولا حسستهن اني دريت بالموضوع،، بس الثقه شوي اهتزت ومعتقد ترد نفس قبل
بعدها بكم سنه،، يتني بنت يدي "عمتي" وقالت يا فلانه اباج في موضوع رحنا سوا ويوم بدت بتتكلم شفت الدموع فـ عيونها
ماسكتهن غصب لايطيحن وبدى صوتها يرتجف،، عرف انها تبا تعذر عن اللي قالته فيني
قلت لها تبين تعتذرين؟ في موضوع يخصني؟!
نزلن دموعها،، قلت لها لا تقولين شي اذا غلطتي فحقي وتبين تعتذرين هذا اعتذارج وصل ومقبول
ماقدرت تنطق بكلمه،،
سامحتها عاللي قالته قبل ماتعتذر واعتذارها ترك بصمه اكبر من الكلام اللي انقال (:
أولاً الله يحيك وياهلا فيك في المنتدى وبين أهلك وأخوانك
وماشاء الله عليك بالرغم من أنك سجلتي قريب ولكن لك بصمات عديدة في انحاء المنتدى
وأهلاً ومرحبا بك في موضوعي وشرفتيني بطلتك وبصماتك
سبحان الله ربنا عادل ولايظلم عنده أحد ولابد أن يقتص للمظلوم ولو بعد حين
وماخاب من وكل امره لله وطلب من الله الرد عندها يكون أخذ بإذن الله أجر الصبر ويكون المنتقم له هو المنتقم الجبار سبحانه
وبالفعل الجرح لاينسى لانه لابد أن يترك أُثر
ومع ذلك بالتأكيد أصبحت الأن تحبك أكثر من قبل
،،
ابوي الله يحفظه على كثر محاسنه وزانه عقله عند الكل
الا انه دايما مايثق بقدراتنا وبآراءنا وبفعايلنا نحن عياله
دايما يشك بنجاحنا وتفوقنا،، بالنسبه لي احس اني ابا اثبت له العكس وبالفعل دايما اثبت له العكس
اللي مو قادره انساه.. قالي مره "انتي من بناتي اللي اعرف انها بترد لي مطلقه" !!
يمكن قالها في لحظه عصبيه لوول بس تركت اثر عميق في نفسي
للأسف كثير من الوالدين عندهم هذا الطبع المؤلم
والحمد لله أنه أتى معك بردة فعل إيجابية بأن تثبتي العكس
هناك للأسف من ردة فعلهم سلبية ويكون سبب في ضياعهم وتمردهم
،،،
يدتي ام امي الله يرحمها ويغفر لها
كانت فالمستشفى وعندها شغالتها وامي يرقدن عندها،،
انا وخواتي نروح لهن بشكل يومي ونيلس عندهن للمسا
كنت لي ييت انا اللي اشيلها واحطها عالكرسي واوديها الحمام وانتو بكرامه،، الامور الشغاله مع امي يسونها العاده
امي بحكم انها كبيره فالسن ومتينه ماتقدر على امها بروحها خصوصا انه يدتي الله يرحمها كان فيها وزن وماتقدر تشيل روحها الا بمساعده
المهم،، كنت لي طلعت من الحمام (الله يكرمكم) احطها على فراشها واشيل عنها نعولها مال الحمام (الله يعزكم)
وهي دوم تعاتبني على هالشي تقول انا بفصخهن روحي..
مره قبل لا نطلع نروح البيت تمت تدعي لي ولخواتي وتدعي من قلبها الله يرحمها ويغفر لها "بصيح"
طلعت وانا اشاور روحي اسلم عليها والا مااسلم
طلعت ولا سلمت قلت الصبح لي ييتها بسلم عليها،، وربي ماعرف ليش ماسلمت عليها العاده قبل مااطلع دوم احب على راسها
الصبح ونحن عالطريق للمستشفى اتصلت امي،، خذوا يدتي ينعشون قلبها وقف فجأة
تندمت اني ترددت وماسلمت عليها!!
سبحان الله الواحد مايعرف متى يفقد غاليه،،
ربي يرحمها ويغفر لها ولكل اموات المسلمين
قلبتي علينا المواجع يختي،،
ربي يسعدج ولا يوريج مكروه في عزيز
|