ماشاء الله على هالطرزان

الله من الافلام بعد عنده حرام يدفن موهبته بينكم مفروض يحترف بهوليوود

امحق رجوله كانه يعدها رجوله قل له تبطي عظم يالرخمه تمد ايدك على حرمة..

..

وليد الروقي..

زوجتك تحتاج حزم مهوب عنف..أؤكد لك انها تموت فيك لكن الموضوع يستوجب منك تتحرك بشكل افضل واسرع..

اختار وقت تكون رايقة فيه..ولدكم نايم وهي ماتكون بدورة شهرية او المرحلة اللي قبلها..

وقل لها شوفي يابنت الاجواد..أنا احبك وشاريك لكن راحة بالي اهم..تزوجتك عشان ارتاح ومااوعدك اني بكون ملاك اكيد انا بشر ابخطي كثير لكن ابعطيك فرصة أخيرة اذا صار بيننا موقف وردة فعلك كانت زي اللي قبلها .. اسمح لي بصمت وبدون زوبعة ابوديك بيت اهلك لأني تعبت والحياة قدامنا طويلة وانا انسان افكر لبعدين ماعندي استعداد اتفشل قدام اللي يسوى ومايسوى وولدنا بيكبر ويشوف امه قدوته بهالشكل مصيبة

لاتخليني انفصل عنك وانا احبك بسبب تصرفاتك لاني لو استمريت معك وانت بهالحال بيجي يوم واكرهك وبالتالي ابخليك مرغم..


طبعا انت اخوي وليد لاتفكر بالانفصال ابدا بس جرب هالطريقة واذا مانفعت مالك الا تحدد موعك مع احد متخصص يسوي لها جلسات علاج سلوكي او روحوا مركز استشارات اسرية او شيخ يحل مشاكل زي الدكتور عبد الرحمن المحرج وغيره

وعليك يالدعاء والصدقة والاستغفار تفعل الاعاجيب واستعن قبل اي شي بالله وسبحانه بيعينك

ربي يوفقكم ويسخركم لبعض