انا ممكن اتفق مع الاخوان اللي قالو انها كانت مدللة.. لكن مع احترامي الشديد للي قالو شد عليها واحزم معها وبالاخص اللي لمح لك بان تضربها ولا تصرخ بوجهها فانا اقولهم انتم غلطانين..
وانا هالمرة اتكلم بكل ثقه لاني اعرف ناس قريبين جدا مني يعانون من نقس المشكلة.. الصراخ والتكسير.. حتى اني في العمارة اللي كنت ساكنه فيها كانت ساكنه وحده فوقي تسوي نفس الشي اسمع صراخها وتكسيرها ( لاتكون انت كنت جاري ههههههه).. المهم ان البنت اذا وصلت لحاله هستيريه وضرب للنفس واكل الحبوب انا اسفه اني اقولك ما ينفع معها الحزم والضرب بالعكس بتنهار عليك ويمكن يجيها شي..
انا اتفق مع الاعضاء اللي قالولك ازعل منها وودها بيت اهلها طبعا بعد ما تهدا مو وهي تصرخ وتكسر.. لازم تسوي زي ما انت تسوي تصرفك ممتاز تهديها وتضمها لين تهدا واذا هدت وارتاحت وصار بكرا وديها بيت اهلها وبعدها ارسلها رساله انك مارح تجي تاخذها لانك تعبت منها.. بتنهار عند اهلها وبتسوي نفس الشي وبعدين بيتصلون فيك وقلهم انك تعبان وتبي ترتاح واذا هي لها رغبه ترجع هي تكلمك.. اذا كلمتك هي لازم تشترط عليها شرط للرجوع..
الشرط هو العلاج النفسي.. اخوي كثير بنات تدللو ببيت اهلهم زوجتك مثلا اكيد خواتها تدللو نفس الدلال بس مب كل من تدلل سوا ما تسوي زوجتك.. زوجتك عندها مرض نفسي نسيت اسمه بس هو عبارة عن عدم القدرة على السيطرة على الغضب.. مجرد ما تعصب خلاص هي ماتقدر تسيطر على نفسها..
لازم ترحمونها ياجماعه هذا مرض صدقني انا اعرف كثير يعانون منه خلاص مجرد ما تغضب ماتقدر تفكر..احد يموت نفسه وعنده ولد؟؟ كلنا نعرف ان الانسان يحب ولده اكثر من نفسه يعني مهما كنت كاره حياتك الولد يخليك تضحي باي شي عشانه لكن هي لحظتها ما تقدر تفكر وماتقدر تسيطر على نفسها واكيد بعد ما تهدا تندم وهذا يعذبها ويتعب نفسيتها اكثر..
اخوي لي صديقة لي عايشه بامريكا نفس نظام زوجتك ومن كثر الهواشات كسرت كل الاثاث واخر شي سمعت عنها انو الاسعاف جا يشيلها لانها حاولت الانتحار لسبب اتفه من التفاهه ..يعني ابيك تعرف ان هالشي منتشر وبشكل عام الامراض النفسيه منتشرة مع ضغوطات الزمن الحديث.. لكن شعبنا للاسف مو متفتح ومو مثقف وشف الردود كيف كانت اللي قالك اضربها واللي قالك انت سلبي واللي قالك ماعندك شخصيه.. بالعكس اخوي انت انسان اكثر من رائع وطريقتك معاها ممتازة بتهديتها لانها فعلا بهالوقت ممكن تسوي اي شي وممكن تموت نفسها بالراحه..
لاااااااااابد من العلاااااااااج النفسي.. هذي زوجتك لا تتركها وهي محتاجتك هي مريضه واهلها ماعالجوها زي اغلب الناس بهالزمن .. محد يعترف بالمرض النفسي اللي يقولك قويه واللي يقولك ماتربت واللي يقولك دلوعه.. زوجتك مريضه واذا هي ما اقتنعت انها مريضه وما اقتنعت انها تحتاج علاج مارح تتعالج.. لازم تخليها تفكر بهدوء ببيت اهلها وتفهمها زين انك مارح ترجعها الا اذا وافقت انها تتعالج ولازم تتابع علاجها وتلتزم بمواعيدها تحت اشرافك ولازم توديها طبيب ممتاز حتى لو كلفكم شوي بس اي طبيب ممكن يصرف لها مضاد اكتئاب او اي دوا وتدمن عليه وخلاص .. لا زوجتك تحتاج علاج نفسي عند مختص فاهم..
اخوي بهالزمن ضغوطات الحياة سببت انتشار الامراض النفسيه وتدليل الاهالي بعد زاد الطين بلة يعني البنات مدللات وفجأة مسؤوليات وبيت و و.. طبعا كثيرات عاشو نفس الظروف وما صارلهم شي واولهم خواتها لكن فيه ناس ما يتحملون ويصابون بمرض نفسي ممكن اكتئاب وممكن عدم السيطرة على الغضب وغيره.. اللي اقولك اياه انها زوجتك وام ولدك وقف معها وامسك بيدها وعالجها وبتشوف كيف بتتغير..
__________________
