المشاركة الأصلية كتبت بواسطة الولد الرزين
أول رد أشوفه فيه عقل وحكمة ومنطق الله يزيدك..
وصراحة أغلب الردود يتكلموا وواضح جداً نقص العقل فبهم..
يعني الوحدة تفكر علشان تزوجت من شخص يعني خلاص صار عبد عندها يمسح حياته اللي عاشها كلها من يوم ما تزوجها ويكون لها لوحدها صدقوني هذا سبب لكثير من المشاكل بين الزوجين الوحدة مو عارفة إن الرجل يختلف بشكل كبير عن المرأء ما أبغى أتكلم كثير في دا الموضوع الأخت ما قصرت أعطتنا الزبدة بس أنصح كل اللي ردوا عن جهل يثقفوا نفسهم شوية ويقروا بدل ما هما عايشين في جهل..
يعني دحين الوحدة بتمنع زوجها خايفه عليه من الفتن والمغريات ما هوا إنسان عاقل وناضج ومسؤل عن تصرفاته وهو اللي راح يتحاسب ويتعاقب يعني إذا بتسوي خير تنصحه بأي طريقة أما إنها ترفض وتزعل فأكيد هذا من باب الغيرة الغبية ولا عاد تتحججوا بالله لو سمحتوا بالمغريات والفتن..
وبالنسبة للأخ صاحب الموضوع أنت لا تطرح الموضوع إنك بتستشيرها إنت تقول لها إنك راح تسافر يعني مجرد تعطيها خبر يعني مالها حق أصلا ترفض ولا تقبل ولا لها رأي أصلاً في دا الموضوع بس أكيد هيا من باب الغيرة عليك راح تزعل وتتضايق هنا يجي دورك (ركز تزعل وتتضايق لأنك راح تسافر مو تزعل لأنها رافضة) عاد بأسلوبك تبين لها إنك رايح مع أصحاب محترمين وهدفكم السياحة وتغير الجو ومن دا الكلام وتعطيها من دا الريق الحلو وتسافر تتوكل على الله أنبسط وغير جو طبعاً هذا بناء على كلامك إنك سفرتها قبل كذا وبسطتها وعودها هذا شئ طبيعي إنك تسافر مثلا سنة معاها وسنة مع أصحابك..
|