المشاركة الأصلية كتبت بواسطة الله يخارجنا
مساء الخير للجميع ..
مسسآآء آلنوور وآلسرور يالطيب ..
قبل كل شي العنوان من باب توسيع الصدر وهذا العنوان حقيقة انسب عنوان لموضوعي ..
المهم انا شاب عمري 19 سنة في عز زهرة الشباب وعندي بعض الأسئلة الهامة ..
س/ وش افضل شيء لإزالة شعر الإبط والعانة .. اسمع كثير يقولوا اشتر مكينة بودي جيليت ,, هل تنصحوني فيها وكم سعرها ووين احصلها ؟؟
اسمع هني اخواني فالمنتدى يقولون عن هالمكينة اللي انته قلتها،
بس للأسف مالقيت فالصيدلية اللي يمي هالمكينة ..
هم احد اخواني اظن اسمه "عزوبي بس رجل" مانصح بستخدام الكريمات للأنها سببت له حساسية وحكه ..
س/ انا عندي مشكلة وهي ان السروال عندي اذا لبسته يأتي من جهة العانة اصفرار يقع على السروال ,, وهذا خقيقة مسبب لي حرج عند اهلي !!
كيف اتخلص منه ؟؟ ووش سبب الاصفرار ؟؟ وهل هو بسبب العرق ؟؟
يمكن ياخووي مو منك المشكلة، من نوعية الخلق للسروال اللي تلبسه، أي شركة تلبس؟
للأنه في عندنا نوع فالبحرين إسمه SOFT نوعية الخلق ممتاز وما يتغير مع الغسال ..
واذا ما خاب ظني موجود عندكم بالسعودية ..
س/ انا عندي لحية خفيفة ,, كيف اخليها ناعمة ويكون شكلها ممتاز وجميبل ,, هل هناك كريم لتنعيم اللحية او اشياء في صالون الحلاقة تساعم في جمال اللحية ؟؟
إن شاء الله اخواني يفيدونك في هالنقطة ..
س/ كيف اجعل شعري ناعم ؟؟
عني أنا، قبل لا اتسبح بربع ساعه آحط في شعري دهن ناريل " مثل زيت باراشوت " ..
وتالي آدخل اتسبح، واذا باغسل شعري ماغسله بماي حار لاء، الدافي المايل للبارد، ولما بتحط الشامبو،
حط الكمية اللي بغيتها في كاس صغير وحط ماي شوي، وحررك الكاس إلى ماتجوفه صار زباد، تالي صبه على شعرك، هالطريقة زينه عشان ماينحط الشامبو في جهة ومايتوزع على باقي فروة الراس ..
س/ عندي في انفي الطاهر رؤوس سوداء كيف اتخلص منها للأبد ..
آذآآ ما خآب ظني بتحصل فالصيدليات موجود لصقات ينحطون على الخشم لمدة معينة وتالي تشيلهم، وان شاء الله تنشال الرؤوس السوده، هم في طريقة ثانية ممكن إنه يكون غسول للأخشم بعد ينباع فالصيدلية ..
والف شكر لكم ..
ومن يجيب او يتداخل في موضوعي فأهدية بدال البجامة دعوة ..
وهي ان الله يزوجه امرأة جميلة حبوبة خلوقة دينة  |