حبيبتي ... الله يعينك ويفرج همك ... كثير من الزوجات يعانين من نفس المشكلة ... وارى انا هناك عدة حلول

ممكن اتجربينها وتشوفين اللي ينفع مع زوجك ...

اولا : اسرع حل هو الحوار الجاد ... يعني وضحي له النتائج السلبية اللي ممكن تأثر على علاقتكم بسبب انشغاله بالانترنت
وتتوصلون مع بعض للحل المناسب ..

أو

ثانيا : حددي له وقت معين للجلوس امام الكمبيوتر بالاتفاق معه طبعا ... يعني من الساعة كذا للساعة كذا تجلس على
الكمبيوتر ..

أو

ثالثا : تقدرين تشاركينه اهتماماته ... وتتناقشين معاه بالمواضيع اللي يشارك فيها بالمنتديات ..

أو

رابعا : انشغلي عنه باهتماماتك وممارسة هواياتك ... يعني طنشيه ( مع إني ضد التطنيش ) ولكن قد ينفع مع بعض
الازواج .... انشغلي بأي شيء يخصك ... إلى ان يلاحظ غيابك عنه ويبدأ يسألك او يحاورك ...

أو

خامسا : تذكرينه بالله .. وان البني آدم ما يعرف متى يموت ... فعلى الاقل يعاملك بالطيب اللي تستحقينه منه وان يخاف
الله فيك لان بكره بيتحاسب .... واكثري من الادعية ولاتنسين انك تشغلين سورة البقرة في البيت او تقرأينها ..
وبإذن الله تتصلح الامور ...


وتذكري عزيزتي محد يقدر يسلب منك انوثتك ...هذا شيء خاص فيك ... بالعكس ابرزيها واستغليها في التأثير على
زوجك فأنتي اعلم بنقاط ضعفه .. ممكن تشغلين وقتك في التخطيط لجذبه وابعاده عن الانترنت ... يمكن زوجك ما عنده
شيء يشغله عن الانترنت ....واهم شيء لا تضعفين ولا تقولين فقدت ثقتي ومن هذا الكلام ...المفروض ان المشاكل
تقوي الانسان ما تضعفه .. لانك لازم تكونين قويه علشان تحلينها ..

والحمد لله ان زوجك ما يسهر خارج البيت او على افلام اباحية والعياذ بالله ..

جربي الطرق حبيبتي ... وان شاء الله تنحل مشكلتك وتبشرينا بالاخبار الحلوووه مثلك ... ربي يسعدك ويحفظك ويوفقك