منتدى عالم الأسرة والمجتمع - عرض مشاركة واحدة - [مميز] اندونيسيا الساحره رحلتي لمدة 10 ايام حياكم

03-05-2010, 02:40 PM

الاوزون

قلم مبدع

تاريخ التسجيل: Jun 2007

المشاركات: 2,488

عدنا ...........

وفي صباح اليوم الثاني الجمعه راحة وانتظار اختي وزوجها للوصل لجاكرتا

صحينا من النوم على ريحة القهوة العربيه المهيله من ايد امي حبيبتي اللي رافقتا في الرحله

وتقهوينا وبعدها نزلنا نفطر في مطعم الفندق والشخص ب 86 الف روبيه على ما اذكر

لكن الفطور اكثر اللي حاطينه رز ودجاج الله يديم النعمه مع الصبح وحاطين شوي كوروسان وتوست

الحمدلله افطرنا ومشي الحال ,بعدها

طلعنا بس لكارفور نقضي بعض المستلزمات الناقصه في العده وبعد العصر وصلت اختي

وقضينا باقي اليوم بالفندق علشان اختي وزوجها يرتاحوا بعد السفر

في يوم السبت رحنا شاطئ انشول

تغدينا في مطعم بندر والحلو فيه انك تختار السمك اللي يعجبك وتطلب طريقه طبخه

مشوي او مقلي المطعم حلو بس اكلهم ناشف يعني السمك او الروبيان ناشف بالمره

ما حبيناه كثير والناس اذواق وهذي بعض الصور له

بعد الغدا رحنا لعالم البحار المكان روعه والاسماك والمخلوقات البحريه سبحان من ابدع

اترككم مع الصور

ويوجد بعالم البحار مكان للاسماك اللي تسوي مساج لقدمين واليدين والدخول على ما اذكر 40 الف روبيه

والله اعلم وزوجي حط رجله والاسماك ما شاء الله شوي وتاكل رجله بس يقول انها تجربه حلوه مريحه

وبعدها طلعنا ورجعنا الفندق والممل في جاكرتا الزحمه الخانقه ويطول الوقت للوصول للمكان المرغوب

والعجيب انهم ما يحسبوا المسافات بالكيلو بل بالساعة وهذا بسبب الزحمه وكثرة الدبابات عجيبه

وصلنا الفندق وريحنا وتعشينا ونمنا استعداد للذهاب ل بونشاك (الجبل) يوم الاحد وهو اخر يوم اجازه

رسميه للاندونيسين يعني الناس نازله لجاكرتا وحنا طالعين ولا انصح اي احد لذهاب لبونشاك يوم الاجازه

لأن بيصير الطريق زحمه وصعوبه انك تلاقي فله للايجار .

واترككم مع المنظر اللي نشوفه من الشباك اللي بجنب السرير بالضبط

مظر رائع الصوره ظالمته

وهنا صاح الديك وانتهى الكلام وغدا لنا لقاء

التعديل الأخير تم بواسطة indienne ; 09-05-2010 الساعة 10:47 AM