ماظنش انها هتتأثر لما تشوفكم بالعكس هتنبسط لو بنت اجتماعية

وكويس انكم نازلين شوية وبعدين هتاخدوها عشان تحس بالألفة

هي ممكن تتأثر نفسيا وقت ماتسافروا كلكم بيها وتسيبوا بيت اهل جوزك

خصوصا وانتي عارفة بيت العيلة بيكون ناس ووناسة وكله بيبوس فيها ويطبطب عليها وكدا

والغربة العكس عزلة ووحده

فده اللي ممكن يأثر عليها الى حد كبير.. وهيبان لما ترجعي ..

وحلها طبعا انك تحضنيها كتير وتكوني جمبها ..

والى حد ما تشوفي كان الروتين بتاعها عامل ازاي وتطبقيه هو هو .. وتبتدي تسحبيه منها واحدة واحدة ..

زي وقت النوم والحاجات دي .. لو حد كان بينام جمبها فلازم تنام جمبك شوية اول شهر وتسحبي منها العادة دي بالتدريج

وتكلمي بيت اهل جوزك في السعودية وتشوفهم كاميرا

وتخرجي بيها زيادة شوية .. تحسسيها ان المكان ممتع .. وبالتدريج تعوديها على عوايدك

وان شاء الله خير .. لإن هتكون ذاكرتها مش قوية اوي يعني اخرها 6 شهور وتكون نسيت البيت اللي كانت فيه ...

وربنا معاكي

__________________