منتدى عالم الأسرة والمجتمع - عرض مشاركة واحدة - هل أعلم ابني الحمام و هو لا يتكلم ؟ (حُلت و لله الحمد )
الموضوع
:
هل أعلم ابني الحمام و هو لا يتكلم ؟ (حُلت و لله الحمد )
عرض مشاركة واحدة
28-04-2010, 01:49 PM
#
111
ماريا
عضو المنتدى الفخري
تاريخ التسجيل: Jul 2006
المشاركات: 10,538
مستجداتنا خلال الـ 6 أيام الماضية بتقدروا تقولوا
... نص مبروك :14:
بعد اصراري اني ما لبسوا البامبرز نهائياً بالنهار ، ابني بدأ يحبس البول فترات أطول ، لأني صار عنده خوف إني يعملها على حالو ،
و الحمدلله بسبب هالشي نظف بالليل نتيجة هالشي
لما يكون بدو
وي وي
صار دائما بحوص و بلوص (يعني بدور بالغرفة و برتبك
) و بقول (إه إه
)
و كل مرة كنت بقعده عالنونية يعملها
بس المشكلة انه عم بعمل نصها برا (عالارض) و نصها جوا النونية بسبب وضعيتو الخطأ في الجلوس
طبعاً صرت دائما احزر ايمتا بدو يعمل وي وي (مصر ما يحكي) و جبلو النونية و يقعد
بس المصيبة انه مو راضي يعمل الكاكا إلا بلبسه
بغافلني وبروح ع غرفة تانية بعملها و برجع بروايحو المنعشة
المهم بعد 3 ايام زهقت من هالقصة و عصبببببت لأني شعوري انه التعب نفسه ما تغير
و أصريت علمه عالتواليت صار يبكي بدو النونية يمسكها و يبكي (قطع قلبي :"( )، بس اخدتها منو بالغصب و خفيتها بالخزانة بعيدعن نظره
.. و بدأت من يومين علمه على التواليت بمساعدة أبوه الحمدلله ببقى الأب إلو هيبة أكتر
و الحمدلله صار حمودة بدون البامبرز ليلاً و نهاراً و بدون جوائز شوكولا و شيبس صار يحب الستيكرز و النجوم ..
الحمد و الشكر لك يا رب
بقدر قول أنه صار تطور كتير كبير :14:
بس ما بقدر قول خلص انحلت المشكلة لأني وجودي جنبه شرط حتى ما يعملها على نفسه !!!!!!!
نفسي يندهلي يقول (ماما وي وي ) و اتركه بالحمام و لما يخلص يقول (ماما خلصت ) ايمتا هي بتصير؟
اعذروني لعدم الرد بشكل منفردعلى كل أخت من الاخوات .. لكني قرأت مشاركاتكم جميعاً بوقتها
جزاكم الله كل خير
و منتظرة أخبار جميلة من اللي عمبجربوا معي
__________________
.
.
استودعتك أهلي في سوريا يا من لا تضيع ودائعه
ماريا
مشاهدة ملفه الشخصي
البحث عن المشاركات التي كتبها ماريا