منتدى عالم الأسرة والمجتمع - عرض مشاركة واحدة - زوجي مسافر بدون علمي ومستغفلني (حُلت ولله الحمد)
الموضوع: زوجي مسافر بدون علمي ومستغفلني (حُلت ولله الحمد)
عرض مشاركة واحدة
قديم 20-04-2010, 10:09 PM
  #48
Ms. Blue
عضو مميز
تاريخ التسجيل: Feb 2010
المشاركات: 707
Ms. Blue غير متصل  
اقتباس:
المشاركة الأصلية كتبت بواسطة بياعةالورد2010 مشاهدة المشاركة
اشكر كل من رد على على وواساني

واعتذر عنك مس بلو مع اني مورايقة لاعتذارات

لاني اساسا ماقصدت اسيئ لهذة الدولة

لكن المعروف للجميع ان ماعندنا هنا زي باقي الدول الخليجية

وانا قلت هالكلام لان الحرمة اللي علمتني قالتلي ان زوجها واخوانه يروحون هناك ويقصدون الملاهي
وهو اكيد مع الخيل ياشقرا
ادري ان عندكم اماكن حلوة واسواق وكل شي
لكن مو العيب فيكم العيب فالشلة اللي معكم
وترا عندنا بعد بالخش بس هالشلة يسوون اللي يبون بر ا عشان سمعتهم
وانا ما قلت ببنات هالبلد شي بالعكس اصلا وش جاب طاريهم مو هالاماكن فيها اجنبيات

عموما اللي قالولي اني مو واثقة من زوجي اقولهم البلا بشلته والصاحب ساحب
واللي يقول كبير وعاقل انا ماشك انه يفعل الحرام لكن اكيد قاعد مع هالشلة وهم مايروحون الا لهالاماكن

بشهادة زوجاتهم وهم عادي عندهم متعودين

ومن زماااااااااان كانو يحاولون فية

عموما انا اللحين ماهمني ذنبه على جمبة
لكن مقهورة اني احسنت نيتي فية وطلع يضحك علي معهم

واللي تسال وشلون تاكدت انهم يضحكون علي اصلا يوجهون الكلام لي يقولون قلها بالدمام ويضحكوووووون
يوم قلت متى بتجي اسمعهم يقولون قلها الغي الحجز خربت الطيارة ويموتون من الضحك

صراحة احس اني بمحكمة ادافع وانل بي هم وجاية اشكي

.. هلا أختي ( بياعة الورد 2010 ) ..

.. لاا يالغاليه , انا ما طلبت منك اعتذار ,, وما كنت اقصد شيء .. بس غرت على ( البحرين ) ,, خصوصا انه

صارت مضرب للاشياء الا مو زينة ,, والكل صار يشوفها بلد لممارسة الدعارة وشرب الخمر ,,

,, مع انها والله يشهد على كلامي , بلد ناسها محترمين , وعارفين ربهم , ويخافونه , ويتقونه ,,

,, بس شنو انقول ( الله على الظالم ) ,, ولتعلمي عزيزتي ,, الشعب كله يرفض هذة الممارسات ,,

ويرفض ان تقام على أرضه مثل هذه الاماكن القذرة ,,



.. عزيزتي ,, نصيحة لوجه الله ,, لا تتركي بيتك ,, اما اذا قصدتي انك تزورين اهلك , وتغيرين جو ,, مسموح لك ,,

روحي وزوريهم , وغيري جو ,, بس انك تروحي بيت أهلك زعلانه ,, لا ما نرضى عليك ,, انتي اختنا ,, ونحبك ,,

,, ونتمنى لك الخير , والسعاده , والراحة والاستقرار ..

.. لذلك تعوذي من أبليس ,, وفكري زين ,, قبل أي خطوة ,, واذا رجع زوجك ,, أستقبليه ,, واحسني استقباله ..

.. وبعد ما يرتاح ,, كلميه ,, بكل صراحة ,, وقولي له كل الا خاطرك تقولينه له ,, وقولي له عن تصرفه معك ..

.. وعدم احترامك امام أصدقائه ..

.. الله يوفقك ,, ويسعدك , ويريح بالك .. ولاتنسي تطمنينا عليك ..