اولا شكرا لردك وانا حابب اني اوضح بعض النقاط :

1- انا مؤمن جدا بالقضاء والقدر وبجد انا الحمد لله تخلصت من حب الاولى ومش بفكر فيها خالص وده هي سبب فيه لانها شاغلة تفكيري جدا ومش عارف ليه على طول بفكر فيها
2- بالنسبة لموضوع الاهتمام كان في ولا يزال بنات اخرين يهتمون بي ولكن انا قلبي ميال ليها بس
3- انا مشكلتي اني بحب شكلها بس مش نفس الصورة اللي كنت رسمها وحاسس اني بظلمها لان دي ماينفعش يتحكم عليها انها مش حلوة بس في احلى وفي واحدة عاجباني شكلا عنها بس وارجو تركزي معايا على كلمة الشكل بس يعني مضمونها وتفكيرها وطريقة تعاملها مش عاجباني
4- انا مش بقول اني بحبها بس بجد انا معجب بيها جدا و ايه اللي يخليني افكر فيها على طول ومش بتروح من بالي خالص وفرحان وانا معاها بس بدون تطويل انا مشكلتي اني بدور على الشكل اوي ولو انا اتغيرت في النقطة دي بجد نظرتي للحياة هتتغير