خليني اخبرك بما اني مريت بنفس اسلوب زوجتك
وانا لي متزوج بس تسع شهور
كانت زوجتي تصارخ علي في بداية زواجها من اتفه الاسباب وترفع صوتها في وجهي
لكن الامر بسيط جدا
وهو ان ماتعطيها وجه لمدة اسبوع او اكثر حسب نفسك ونفسيتك ولا تنام معاها في سرير واحد
يعني خذ بطانيتك وضف وجهك في المجلس
حاول انك ماتغيب عنها كثير
كل ساعه مر عليها سوي نفسك تبي ماي او شاي
روح سويه بنفسك
او بتاخذ لك ملابس
او اي عذر
اهم شيء ماتغيب عنها مده طويله
لذا حسيت نفسك اشتقت لها وهذا حاصل خاصة في اول ايام الزواج
روح ضمها بقوه وبوسها
وقلها اشتقت لك مرره كثير
وارجع مكانك على بطانيتك في المجلس
راح تجيك وتعتذر لك بعدها خذ راحتك بالمصارحه وانك ماتحب هالاساليب ولازم تحترميني ومن هالكلام
كون معاها في هالموضوع حازم
حتى لو تكلمت بصوت عالي مره ثانيه ذكرها بالصراخ
راح ينصلح حال زوجتك وتدعيلي
ولا تخلي الموضوع يستمر او يعدي ببساطه
ولا تضربها ياخوي الضرب مايجوز
ولا راح يصلح الحال
راح يعقد الامور اكثر واكثر
سو الي قلت لك عليه وراح تدعيلي